ރާއްޖެ
މާރާމާރީ
ތޫނު އެއްޗަކުން ހަމަލާދީ ޒުވާނަކު ވަރަށް ބޮޑަށް ޒަހަމް ކޮށްލައިފި
އޭނާއަށް ދަނީ އޭޑީކޭގައި ފަރުވާ ދެމުން
އަޒްލިފާ އަބްދުﷲ, ރާއްޖެ އެމްވީ | 9 އޮކްޓޯބަރު 2018 | އަންގާރަ 16:38
ޒަހަމްވި ޒުވާނާ އޮލިމްޕަސް ސަރަހައްދު ބިންމައްޗަށް ވެއްޓިފައި
މާލޭގައި ތޫނު އެއްޗަކުން ހަމަލާދީ މީހަކު ޒަޚަމް ކޮށްލައިފި އެވެ.
ރާއްޖެ އެމްވީއަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ އޮލިމްޕަސް ކައިރީގައި ތޫނު އެއްޗަކުން މީހަކަށް ހަމަލާދީ ޒަޚަމް ކޮށްލި ކަމުގެ މައުލޫމާތު ފުލުހުންނަށް ރިޕޯޓްކޮށްފައި ވަނީ ހޯމަ ދުވަހުގެ ރޭ 10:48 ހާއިރު ކަމަށެވެ.
ޒަޚަމްވެފައި ވަނީ ފިރިހެނެއް ކަމަށާއި އޭނާއަށް އޭޑީކޭ ހޮސްޕިޓަލުގައި ފަރުވާ ދެމުންދާ ކަމަށް އޮފިޝަލް ވިދާޅުވިއެވެ.
މި ހާދިސާއާއި ގުޅޭ އިތުރު ތަފްސީލް ފަހުން ހާމަ ކުރައްވާނެ ކަމަށް އޮޕިޝަލް ވިދާޅުވިއެވެ.
