ސ. ހުޅުމީދޫ ގެއަކުން ވައްކަން ކުރިކަމުގެ ތުހުމަތުގައި މީހަކު ހައްޔަރުކޮށްފިއެވެ.
ކަރަންޓް ވައިރުކުރުމަށް ބޭނުންކުރާ ގިނަ އަދަދެއްގެ ސާމާނާއި ދަގަނޑު ހޮޅިތަކެއް ހުޅުމީދޫ ގެއަކުން ވަގަށް ނަގާފައިވާ ކަމަށް ބުނެ، އޮކްޓޯބަރ 2 ވަނަ ދުވަހު ފުލުހުންނަށް ހުށަހެޅުނު މައްސަލައާ ގުޅިގެން ހިންގި އޮޕަރޭޝަންގައި ހައްޔަރުކޮށްފައި ވަނީ 25 އަހަރުގެ މީހެކެވެ.
ކޯޓު އަމުރެއްގެ ދަށުން އޭނާ ހައްޔަރުކޮށް، އޭނާ ވަގަށް ނަގާފައިވާ ކަމަށް ބެލެވޭ ކަރަންޓް ވައިރުކުރާ ބައެއް ސާމާނާއި ދަގަނޑު ހޮޅިތަކެއް ފުލުހުން ވަނީ ހޯދާފައެވެ. އެ މައްސަލައިގައި ހައްޔަރުކޮށްފައިވާ މީހާގެ ބަންދަށް ކޯޓުން ވަނީ ތިން ދުވަސް ޖަހައި ދީފައެވެ.
އެ މައްސަލަ ފުލުހުން ދަނީ އިތުރަށް ތަޙުޤީޤު ކުރަމުންނެވެ.
