ރިޔާސީ އިންތިޚާބު ކާމިޔާބު ކުރެއްވި އިންތިޚާބީ ރައީސް އިބްރާހިމް މުހައްމަދު ސޯލިހު(އިބޫ) އާއި ނައިބު ރައީސް ފައިސަލް ނަސީމަށް މަރުހަބާ ދެންނެވުމަށް ހެންވޭރުގެ ރައްޔިތުން ތައްޔާރުވެއްޖެއެވެ.
"ބިޔަ ބޮޑު ހެންވޭރުން" އިބޫއަށާއި ފައިސަލަށް މަރުހަބާ ދެންނެވުމަށް ހަމަޖެހިފައި ވަނީ މިރޭ 8:30 އިން ފެށިގެންނެވެ.
ލައިވް މިއުޒިކާއި ބޮޑުބެރާއި އެކު އޮންނަ އެ އިވެންޓުގައި އިބޫ އަދި ފައިސަލް ބައިވެރިވެ ވަޑައިގަންނަވާނެއެވެ.
ރިޔާސީ އިންތިޚާބުގެ ދާއިމީ ނަތީޖާ އިލެކްޝަންސް ކޮމިޝަނުން އާއްމު ކޮށްފައިވާއިރު އިބްރާހިމް މުހައްމަދު ޞޯލިހު ވަނީ 58.3 އިންސައްތަ ވޯޓު ހޯއްދަވާފައެވެ. ދެވަނަ ދައުރެއް ކަށަވަރު ކުރެއްވުމަށް ނުކުންނެވި އަބްދުﷲ ޔާމީން އަބްދުލް ގައްޔޫމަށް ލިބިވަޑައިގެންފައި ވަނީ 41.7 އިންސައްތަ ވޯޓެވެ.
