އީސީގެ ނިންމުމާއެކު އިދިކޮޅު ލީޑަރުގެ މަގާމު ރައީސް ޔާމީނަށް ގެއްލިއްޖެ
3 އޮކްޓޯބަރު 2018 | ބުދަ 09:41ޕީޕީއެމްގެ ކޮންގްރެސް ބާއްވާފައިވަނީ މިދިޔަ މަހުގެ 28 ވަނަ ދުވަހު
ރައީސް ޔާމީން
ޕްރޮގްރެސިވް ޕާޓީ އޮފް މޯލްޑިވްސް(ޕީޕީއެމް)ގެ ކޮންގްރެސް އިލެކްޝަންސް ކޮމިޝަނުން ބާތިލު ކުރުމާއެކު އިދިކޮޅު ލީޑަރުގެ މަގާމު ރައީސް ޔާމީނަށް ގެއްލިއްޖެއެވެ.
އިލެކްޝަންސް ކަމިޝަންއިން ބުދަ ދުވަހު ކޮށްފައިވާ ޓްވީޓެއްގައި ބުނެފައިވަނީ ޕީޕީއެމްއިން ސެޕްޓެމްބަރު 28 ގައި ހާއްސަ ގޮތުން ބޭއްވި އެ ޕާޓީގެ ގައުމީ ޖަލްސާ ބާއްވާފައި ވަނީ އިޖުރާއަތްތައް ފުރިހަމަ ނުކޮށް ކަމަށާއި އެހެންވެ، އެ ޖަލްސާގެ ނިންމުންތައް ބަލައިގަނެވެން ނެތް ކަމަށް ކޮމިޝަނުން ނިންމާފައިވާ ކަމަށެވެ.
ޕީއެމްގެ ޤައުމީ ޖަލްސާ އަކީ ކަނޑައެޅިގެން އަސާސީ ޤަވާއިދާ އަދި އެޕާޓީގެ އިންތިހާބު ތަކާއި ބެހޭ ޤަވާއިދާ އެހެނިހެން ވެސް ޤަވާއިދު ތަކާއި އެޕާޓީގެ އުސޫތަކާއި ހިލާފަށް ބޭއްވި ޖަލްސާއެއް ކަމަށް ބުނެ އެ ގައުމީ ޖަލްސާ ބަލައި ނުގަތުމަށް ރައީސް މައުމޫން ވެސް ވަނީ އިލެކްޝަން ކޮމިޝަނުގައި އެދިވަޑައިގެންފައެވެ.
ޕީޕީއެމްގެ ކޮންގްރެސް ބާއްވާފައިވަނީ މިދިޔަ މަހުގެ 28 ވަނަ ދުވަހުއެވެ.
އެ ކޮންގްރެސްގައި ރައީސް ޔާމީނަށް ޕީޕީއެމްގެ ރައީސް ކަން ލިބިވަޑައިގެންނެވިކަން ފާސްކޮށްފައިވާއިރު ނައިބު ރައީސަކަށް އައްޔަން ކުރައްވާފައިވަނީ އާޒިމާ ޝަކޫރެވެ. ޕީޕީއެމްގެ ނައިބު ލީޑަރު ކަމަށް އިންތިޚާބު ކުރި އަނެއް ތިން ބޭފުޅުންނަކީ އިކޮނޮމިކް މިނިސްޓަރު މުހައްމަދު ސައީދު އާއި ޓޫރިޒަމް މިނިސްޓަރު މޫސާ ޒަމީރު އަދި ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲއެވެ. އީސީގެ މިނިންމުމާއި ގުޅިގެން އެހުރިހާ ބޭފުޅުންގެ މަގާމު ގެއްލޭނެއެވެ. އަދި ޕީޕީއެމް އިން ކުއްލި ގޮތަކަށް ބޭއްވި ކޮންގްރެސްގައި ނިންމި ނިންމުންތަކެއް ބާތިލްވާނެއެވެ.
