ބ. ހިތާދޫގެ ފިހާރައަކުން ވައްކަން ކޮށްގެން ދެ މީހަކު ހައްޔަރުކޮށްފި
1 އޮކްޓޯބަރު 2018 | ހޯމަ 05:56ހައްޔަރުކޮށްފައި ވަނީ 24 އަހަރުގެ މީހަކާއި 32 އަހަރުގެ މީހެއް
ދިވެހި ރާއްޖޭގެ ފައިސާގެ ނޫޓުތަކާއި އެކީ ޑޮލަރުގެ ނޫޓެއް
ބ. ހިތާދޫ ފިހާރައެއްގެ ބިއްލޫރިގަނޑު ތަޅާލައި ގިނަ އަދަދެއްގެ ފައިސާ އާއި މުދާ ވަގަށް ނެގިކަމުގެ ތުހުމަތުގައި ދެ މީހަކު ހައްޔަރުކޮށްފިއެވެ.
ފުލުހުން ބުނީ ސެޕްޓެމްބަރުގެ 29 ވަނަ ދުވަހު ހުށަހެޅުނު ވައްކަމުގެ މައްސަލައާ ގުޅިގެން 24 އަހަރުގެ މީހަކާއި 32 އަހަރުގެ މީހަކު ހައްޔަރުކޮށްފައިވާ ކަމަށެވެ. އެ ދެ މީހުންގެ ބަންދަށް ކޯޓުން ފަސް ދުވަސް ޖަހާފައިވާ ކަމަށެވެ.
ފުލުހުން ބުނީ އެ ދެ މީހުން ވަގަށް ނެގި ކަމަށް ބެލެވޭ ރުފިޔާ އާއި މުދާ ފުލުހުންގެ ބާރު ބެލުމުގެ ދަށަށް ގެންގޮސް އޭގެ ވެރިފަރާތާ ހަވާލުކޮށްފައިވާ ކަމަށެވެ. އެ މީހުން ވަގަށް ނެގި ކަމަށް ބެލެވެނީ 1423.50ރ. ކަމަށް ފުލުހުން ބުނެއެވެ.
ފުލުހުން އެ މައްސަލަ ދަނީ އިތުރަށް ތަހްގީގު ކުރަމުންނެވެ.
