ޕީޕީއެމްގެ ގައުމީ މަޖިލިސް ހުކުރު އަދި ހޮނިހިރު ދުވަހު ބާއްވަނީ
25 ސެޕްޓެމްބަރު 2018 | އަންގާރަ 17:52ޕާޓީތަކުގެ އަސާސީ ގަވާއިދު ބުނާ ގޮތުން ކޮންމެ ފަސް އަހަރަކުން އެއް އަހަރު ޕާޓީގެ އާންމު ޖަލްސާއެއް ބާއްވަން ޖެހޭ
ޕީޕީއެމްގެ ޕާލަމެންޓްރީ ގްރޫޕާ ރައީސް ޔާމީން ބައްދަލުކުރައްވަނީ
ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)ގެ ގައުމީ ޖަލްސާއެއް އަންނަ ހުކުރު އަދި ހޮނިހިރު ދުވަހު ބޭއްވުމަށް އެ ޕާޓީން ނިންމައިފިއެވެ. މިކަން ހާމަކޮށް އަންގާރަ ދުވަހު ޕީޕީއެމުން ނެރުނު ނޫސް ބަޔާނެއްގައި ބުނެފައި ވަނީ، ޕީޕީއެމްގެ އަސާސީ ޤަވާއިދުގައިވާ ގޮތުގެ މަތީން، ޚާއްސަ ގޮތުން ބާއްވާ ޕާޓީގެ ޤައުމީ ޖަލްސާއެއް އަންނަ ހުކުރު އަދި ހޮނިހިރު ދުވަހު ބޭއްވުމަށް ނިންމާފައިވާ ކަމަށެވެ. އަދި އެ ޖަލްސާ ބޭއްވުމަށް ހަމަޖެހިފައި ވަނީ މާލޭގައި ކަމަށް ވެސް އެ ޕާޓީން ބުނެއެވެ. ޕާޓީތަކުގެ އަސާސީ ގަވާއިދު ބުނާ ގޮތުން ކޮންމެ ފަސް އަހަރަކުން އެއް އަހަރު ޕާޓީގެ އާންމު ޖަލްސާއެއް ބާއްވަން ޖެހެއެވެ. އެންމެ ފަހުން ޕީޕީއެމްގެ އާންމު ޖަލްސާއެއް ބާއްވާފައި ވަނީ 2013 ވަނަ އަހަރުއެވެ. ޕާޓީގެ އަސާސީ ގަވާއިދާ އެއްގޮތަށް ޕާޓީގެ ކޮންގްރެސް ބާއްވާފައި ނުވާތީ ޕާޓީތަކާ ބެހޭ ގާނޫނުގައިވާ ގޮތުން ޕީޕީއެމް އުވާލަންޖެހޭ ކަމަށް ގިނަ ފަރާތްތަކަކުން ބުނެއެވެ.
