ރާއްޖެ
ރިޔާސީ އިންތިހާބު 2018
ކަސްޓަމްސް އިން އިބޫއަށް މަރުހަބާ ދަންނަވައިފި
މިއީ ދައުލަތުގެ މުއައްސަަސާއަކުން އިބޫއަށް މަރުހަބާ ދަންނަވާކަން ހާމަކުރެއްވި ފުރަތަމަ މުއައްސަސާ
މުހައްމަދު ފަޒީން, ރާއްޖެ އެމްވީ | 24 ސެޕްޓެމްބަރު 2018 | ހޯމަ 08:54
ކަސްޓަމްސްގެ މައި އޮފީސް
މޯލްޑިވްސް ކަސްޓަމްސް ސަރވިސް އިން އިންތިހާބީ ރައީސް އިބްރާހީމް މުހައްމަދު ސޯލިހުއަށް މަރުހަބާ ދަންނަވައިފި އެވެ.
ކަސްޓަމްސް އިން ހޯމަ ދުވަހު ކޮށްފައިވާ ޓްވީޓެއްގައި ވަނީ އިބޫ އަށާއި ރަނިންގމޭޓް ފައިސަލް ނަސީމް އަށް މަރުހަބާ ދަންނަވާ ކަމަށެވެ.
ކަސްޓަމްސް އިން މަރުހަބާ ކިޔާފައި މިވަނީ ސަރުކާރު ހިންގާ ޕީޕީއެމްގެ ރިޔާސީ ކެންޑިޑޭޓް ރައީސް އަބްދުﷲ ޔާމީން އަބްދުލްގައްޔޫމް ބަލި ގަބޫލު ކުރައްވާ އެކަން އިއުލާން ކުރެއްވުމާއެކުގަ އެވެ.
އަދިއްތަ ދުވަހު (އިއްޔެ) ބޭއްވި ރިޔާސީ އިންތިހާބު އިބޫ ކާމިޔާބު ކުރެއްވީ 58 ޕަސެންޓަށްވުރެ ގިނަ ވޯޓް ހޯދައްވައިގެން ނެވެ.
