އެމްޑީޕީގެ ޓީމަށް ވިލުފުށިން ވަރަށް ހޫނު މަރުހަބާއެއް ކިޔައިފި
15 އެޕްރީލު 2017 | ހޮނިހިރު 19:40މިރޭގެ ބޮޑު ޖަލްސާ އޮންނާނީ ވިލިފުށީގައި
އެމްޑީޕީގެ ޓީމް، ތ. ވިލުފުށީގައި
އެމްޑީޕީގެ ކެމްޕޭން ޓީމް، ތ.އަތޮޅު ވިލިފުއްޓަށް ވަޑައިގަތުމުން ވަރަށް ހޫނު މަރުހަބާއެއް ކިޔައިފި އެވެ.
ހޮނިހިރު ދުވަހު ހަވީރު އެމްޑީޕީގެ ޓީމް ވިލިފުއްޓަށް ވަޑައިގަތުމުން ގިނަ އަދަދެއްގެ ބަޔަކު ވަނީ ބަނދަރު ސަރަހައްދަށް އެއްވެ މަރުހަބާ ކިޔާފައެވެ. މިއީ ލޯކަލް ކައުންސިލް އިންތިހާބުގައި އަތޮޅު ކައުންސިލްތަކާއި، ރަށު ކައުންސިލްތަކަށް ވާދަކުރާ ކެންޑިޑޭޓުން ތަޢާރަފްކޮށް އެރުވުމުގެ ގޮތުން ކުރާ ކެމްޕެއިން ދަތުރެކެވެ.
މިދަތުރުގައި އެމްޑީޕީން ވަނީ މީގެ ކުރިން ކިނބިދޫ އަދި ތިމަރަފުށީގައި ބޮޑު ޖަލްސާ ބާއްވާފައެވެ. މިރޭގެ ޖަލްސާ އޮންނާނީ ވިލިފުށީގައެވެ. މިޖަލްސާގައި ވީހާވެސް ގިނަ ބަޔަކު ބައިވެރިވެދެއްވުމަށް އެމްޑީޕީން އެދެ އެވެ.
މިކެމްޕެއިން ދަތުރުގައި ދާއިރާތަކުން ލޯކްލް ކައުންސިލް އިންތިހާބުގައި ވާދަކުރާ ކެންޑިޑޭޓުން ތަޢާރަފްކޮށް އަރުވާ ދޮރުން ދޮރަށް ހިނގާ ރައްޔިތުންނާއި ބައްދަލުކޮށްފައިވެއެވެ. މީގެ އިތުރުން ކެމްޕެއިން ޓީމްތަކާއި އެކު މަޝްވަރާ ބައްދަލުވުންތައް ބާއްވާ ކެމްޕެއިން އިތުރަށް ކުރިއަށްގެންދާނެ ގޮތްތަކެއް ވަނީ ކަނޑައަޅާފައެވެ.
ތ.އަތޮޅުން އެމްޑީޕީގެ ޓީމަށް ވަރަށް ބޮޑު ތާއީދެއް އޮތް އިރު މިދަތުރު ނިންމާލާނީ މާދަމާ އެވެ.
