ބަލި ގަބޫލު ކުރައްވާ ޔާމީން އިބޫއާ ބައްދަލުކުރައްވަނީ
24 ސެޕްޓެމްބަރު 2018 | ހޯމަ 06:22ނަތީޖާއަށް ބަދަލު އަންނަ ވަރުގެ މައްސަލައެއް، އަދި ޝަކުވާއެއް ނުލިބޭ
ރައީސް ޔާމީނާއި އިބޫ
ރިޔާސީ އިންތިޚާބުގައި ވާދަކުރެއްވި ޕީޕީއެމްގެ ކެންޑިޑޭޓް ރައީސް އަބްދުﷲ ޔާމީންގެ މައްޗަށް ބޮޑު ތަފާތަކުން އިންތިޚާބީ ރައީސް އިބްރާހިމް މުހައްމަދު ސޯލިހު (އިބޫ) ކާމިޔާބު ކުރެއްވުމުން ބަލި ގަބޫލު ކުރައްވައިފިއެވެ.
އެނގިފައިވާ ގޮތުގައި ރައީސް ޔާމީން ވަނީ ބަލި ގަބޫލުކުރައްވައި އިބްރާހިމް މުހައްމަދު ސޯލިހުއާ ބައްދަލު ކުރައްވަން ނިންނަމަވާފައެވެ.
ވަގުތީ ނަތިޖާއިން ދައްކާ ގޮތުގައި، ގުޅިފައިވާ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިހަށް 134،616 ވޯޓް ލިބިވަޑައިގެންފައިވާއިރު، މިހާރު ވެސް ރައީސުލްޖުމްހޫރިއްޔާގެ މަގާމުގައި ހުންނެވި ޕީޕީއެމްގެ ކެންޑިޑޭޓް ރައީސް އަބްދުﷲ ޔާމީނަށް ލިބިވަޑައިގެންނެވީ 96،132 ވޯޓެވެ.
ދެ ކެންޑިޑޭޓުން ވާދަކުރެއްވި މި އިންތިޚާބުގެ ނަތީޖާއަށް ބަދަލު އަންނަ ވަރުގެ މައްސަލައެއް، އަދި ޝަކުވާއެއް ވެސް ލިބިފައި ނުވާކަމަށް އީސީން ވަނީ ބުނެފައެވެ.
