ގުޅިފައިވާ ޕާޓީތަކުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) ސާރފިންގ ކޮމިއުނިޓީއާ ބައްދަލުކުރައްވައިފިއެވެ.
އެ މަނިކުފާނުގެ މި ބައްދަލުވުމުގައި ސާރފިންގ ކޮމިނިޓީގެ ފަރާތުން ވަނީ ކަންބޮޑުވުންތައް ހިއްސާކޮށްފައެވެ. އިބޫ މިއަދު ސާރފިންގ ކޮމިއުނިޓީއާ ބައްދަލުކުރައްވާފައިވާ އިރު، އެ މަނިކުފާނުވަނީ އަލަށް ވޯޓްލާ ކުދިންނާ ވެސް ބައްދަލުކުރައްވާފައެވެ.
މީގެ އިތުރުން ސިވިލް ސާރވަންޓުންނާއި، މަސްވެރިންނާއި، ދަނޑުވެރިންނާއި، އައިޓީ ދާއިރާގެ ތަޖުރިބާކާރުންނާ އިބޫ ވަނީ ބައްދަލުކުރައްވާފައެވެ. އަދި ބައެއް ސްކޫލްތަކުގެ ޓީޗަރުންނާއި ޕްރިންސިޕަލުން ވެސް ވަނީ އިބޫއާ ބައްދަލުކޮށްފައެވެ. މި ބައްދަލުވުންތަކުގައި އެ މަނިކުފާނު ވަނީ އެ ދާއިރާތަކުގެ ރައްޔިތުންގެ ކަންބޮޑުވުންތައް އަޑުއައްސަވާފައެވެ.
ކެންޑިޑޭޓުންނަށް ރައްޔިތުންގެ ތާއީދު ހޯދުމަށް ކެމްޕޭން ކުރެވޭނީ މިއަދު ހަވީރު 6 ޖަހަންދެންނެވެ.
