ޝެއިޚް އިލްޔާސްގެ ޕާސްޕޯޓް ހިފަހައްޓައިފި

މަޝްހޫރު ދީނީ އިލްމުވެރިޔާ ޝެއިހް އިލްޔާސް ހުސައިންގެ ޕާސްޕޯރޓް ހިފަހައްޓައިފިއެވެ.

މެލޭޝިޔާގައި ދިރިއުޅުއްވަމުން ގެންދަވާ އިލްޔާސް މެލޭޝިޔާއަށް ދިއުމަށް ހަމަޖެހިފައި އޮތީ ލަންކާ މަގުންނެއެވެ.

މިހާރު އިލްޔާސް ހުންނެވީ އައްޑޫ އިންޓަރނޭޝަނަލް އެއަރޕޯޓްގައެވެ. އިލްޔާސް ވޯޓު ލެއްވުމަށް ރަޖިސްޓްރީކުރައްވާފައި ވަނީ މެލޭޝިޔާ އަށެވެ. ޝެއިޚް ގެންދަވަނީ މެލޭޝިޔާގައި ކޯހެއް ފުރިހަމަކުރައްވަމުންނެވެ.

ރައީސް ޔާމީންގެ ދީނީ ސިޔާސަތުތަކަށް ފާޑުވިދާޅުވަމުން ގެންދަވާ ޝެއިހް އިލްޔާސް ވަނީ އައްޑޫ ސިޓީގައި ގުޅިފައިވާ ޕާޓީތަކުން ކެމްޕެއިން ނިންމުމުގެ ޖަލްސާގައި ވާހަކަފުޅުދައްކަވާފައެވެ.

މެލޭޝިއާގައި އަމިއްލަ ދަތުރުފުޅެއްގައި ހުންނެވުމަށް ފަހު އެނބުރި ރާއްޖެ ވަޑައިގެން އެ ޖަލްސާގައި ވާހަކަ ދައްކަވަމުން އިލްޔާސް ވިދާޅުވީ ގުޅިފައިވާ ޕާޓީތަކުން އެއް ކެންޑިޑޭޓަކު ނެރެން އިއުލާންކުރުމާ އެކު އެއީ ކޮން ބޭފުޅެއްތޯ ހިތަށް އަރާވަޑައިގެންނެވި ކަމަށެވެ.

މިހާރު ވެރިކަންކުރާ ޕާޓީގެ އިސް ބޭފުޅުން އެ މަގާމު ހައްގުވަނީ އިބޫއަށް ކަމަށް ވިދާޅުވުމާއެކު އެކަމުގައި ޙިކުމަތެއް އޮންނާނެކަމަށް ހިތަށް އަރާވަޑައިގެންނެވި ކަމަށެވެ.