އިންތިޚާބު އޮޅުވާލަފާނެކަމުގެ ބިރު އެބަ އޮތް: ހިއުމަން ރައިޓްސް ވޮޗް
ކޮމިޝަން ނަހަމަ ގޮތުގައި ދަނީ ބޭނުންކުރަމުން: ހިއުމަން ރައިޓްސް ވޮޗް
އިލެކްޝަންސް ކޮމިޝަނުގެ މެމްބަރުން ނޫސްވެރިންނާ ބައްދަލުކުރައްވަނީ
ސަރުކާރުގެ ކޮންޓްރޯލްގެ ދަށުގައި އޮތް އިލެކްޝަން ކޮމިޝަނުން ވޯޓް ގުނުމުގެ އާ އުސޫލެއް ގެނެސްފައިވާ ކަމަށް ފެންނަ ކަމަށާއި 23 ސެޕްޓެމްބަރުގައި ބާއްވާ އިންތިޚާބަކީ މިނިވަން އިންސާފުވެރި އިންތިޚާބަކަށް ނުވެދާނެކަމުގެ ބިރު ހީވެފައިވާ ކަމަށް ހިއުމަން ރައިޓްސް ވޮޗުން ބުދަ ދުވަހު ބުނެފިއެވެ.
ހިއުމަން ރައިޓްސް ވޮޗްގެ އޭޝިއާ އެސޯސިއޭޓް ޑިރެކްޓަރ ޕެޓްރީޝިއާ ގޮސްމަން ވިދާޅުވީ ރާއްޖޭގެ އިދާރާތަކުން ވަނީ އިދިކޮޅު ފަރާތްތައް ހައްޔަރުކޮށް މީޑިއާގެ އަނގަ ބަންދުކޮށްފައި ކަމަށާއި ރައީސް ޔާމީން އިންތިޚާބު ކާމިޔާބު ކުރުވުމަށްޓަކައި އިލެކްޝަން ކޮމިޝަން ނަހަމަ ގޮތުގައި ބޭނުކޮށް އިދިކޮޅު ކެނޑިޑޭޓުންނަށް ހުރަސް އަޅާފައިވާ ކަމަށެވެ
އޮފިޝަލުން ވޯޓު ގުނާ ގޮތް އޮޅުވާލަމުން ގެންދާ ނަމަ އެ ނަގާލެވެނީ ރާއްޖޭގެ ރައްޔިތުންނަށް އެ މީހުންގެ ވެރިޔަކު ހޮވުމުގެ ހައްގު ކަމަށް ވެސް އޭނާ ވިދާޅުވިއެވެ.
ވޯޓް ގުނުމުގެ މަރުހަލާގައި ވަކިވަކި ވޯޓް ކަރުދާސްކޮޅުތައް އޮބްޒަރވަރުންނަށް ނުފެންނާނެ ކަމަށާއި އޭގެ ބަދަލުގައި ފެންނާނީ އެއްކޮށް ލެވިފައިވާ ކަރުދާސް ބޮނޑި ކަމަށް ބައެއް ފަރާތްތަކުން އެ ޖަމާއަތަށް މައުލޫމާތު ދީފައިވާ ކަމަށް ވެސް ހިއުމަން ރައިޓްސް ވޮޗުން ބުންޏެވެ.
އެފަދަ ބަދަލެއް ވެގެންދާނީ ވޯޓްގެ ސައްހަކަން ނުވަތަ ވޯޓް ދީފައިވާ ފަރާތަކީ ކާކުން ދެނެ ނުގަނެވޭ ބަދަލަކަށެވެ.
ވޯޓްގެ އެކި ކަންކަމުގައި މަސައްކަތްކުރާ އޮފިޝަލުންގެ ގޮތުގައި ސަރުކާރަށް ތާއީދުކުރާ ފަރާތްތައް ހިމަނާފައިވާ ކަމާއި ޖުލައި މަހުން ފެށިގެން އިންތިޚާބުގެ އެކި ކަންކަމުގެ އުސޫލުތަކަށް ބަދަލު ގެންނަމުންދާކަން ވެސް ހިއުމަން ރައިޓްސް ވޮޗުން ފާހަގަކޮށްފައި ވެެއެވެ.
