އދ. މާމިގިލިން ޕީޕީއެމް އަށް ތާއީދުކުރާ ޒުވާނުންތަކެއް ކޯލިޝަނާ ގުޅިއްޖެ އެވެ.
ރާއްޖެ އެމްވީއަށް މައުލޫމާތު ދެއްވަމުން މާމިލީ އެމްޑީޕީ ގޮފީގެ ރައީސް އަހުމަދު ސޫޒީ މަހުމޫދު ވިދާޅުވީ ހޯމަ ދުވަހުގެ ރޭ ކޯލިޝަނާ ގުޅިފައިވަނީ އެރަށު ޕާކް ފުޓްބޯޅަ ޓީމު ކަމަށެވެ.
ކުރިން ޕީޕީއެމް އަށް ތާއީދު ކުރި ނަމަވެސް އެމީހުން ކޯލިޝަނާއި ގުޅިފައި ވަނީ މި ސަރުކާރުން ކޮށްދޭން ވައުދުވި ކަންތައްތަކެއް ކޮށްދީފައި ނުވާތީ ކަމަށް ސޫޒީ ވިދާޅުވިއެވެ.
މާމިލީގެ ގިނަ ޒުވާނުންތަކެއް ކޯލިޝަނާއި ގުޅުމުން އެކަން ފާހަގަ ކުރުމަށް ވަނީ ޚާއްސަ ހަފްލާއެއް ބާއްވާފައެވެ.
މި ހަފްލާގެ ތެރޭގައި އެރަށު އީގަލްސް ޓީމްގެ މެންބަރުންނާއި ދެމެދު ވަނީ ކޮންމެވެސް ވަރެއްގެ ހަމަނުޖެހުންތަކެއް ހިންގާފައެވެ.
މި ހަމަނުޖެހުން ހިނގަން އީގަލްސް ޓީމްގެ ބައެއް މެންބަރުންވެސް ކޯލިޝަނާއި ގުޅެން އުޅޭ ކަމަށް އެ ހަފްލަގައި ވާހަކަ ދެއްކި މީހަކު ބުނުމުންނެވެ.
ނަމަވެސް މާބޮޑު އަރާރުމަކަށް ނުގޮސް ފަހުން އެކަން ހައްލުވެފައި ވާކަމަށް ސޫޒީ ވިދާޅުވިއެވެ.
