ރާއްޖެ
މާރާމާރީ ހިންގުން
ފުވައްމުލަކުގައި ރޭ ހިންގި މާރާމާރީއާ ގުޅިގެން މީޙަކު ހައްޔަރު ކޮށްފި
ހަމަލާދީފައިވަނީ 33 އަހަރުގެ ފިރިހެނަކަށް
ތަހާރަތު މުހައްމަދު ވަހީދު, ރާއްޖެ އެމްވީ | 16 ސެޕްޓެމްބަރު 2018 | އާދީއްތަ 08:45
ޕޮލިސް ލައިން
ހޮނިހިރު ދުވަހުގެރޭ ފުވައްމުލަކުގައި ހިންގި މާރާމާރީއާއި ގުޅިގެން މީހަކު ހައްޔަރު ކޮށްފައިވާކަމަށް ފުލުހުން ބުނެފިއެވެ.
ފުވައްމުލަކުގައި ހޮނިހިރު ދުވަހުގެރޭ ހަމަލާދީފައި ވަނީ އުމުރުން 33 އަހަރުގެ ފިރިހެނަކަށެވެ. ފުލުހުންނަށް އެކަން ރިޕޯޓްކޮށްފައި ވަނީ ހޮނިހިރު ދުވަހުގެ ރޭ 20:21 ހާއިރުއެވެ. މައުލޫމާތު ލިބިފައިވާ ގޮތުގައި ޒަހަމްވި މީހާގެ ކަރާއި ބޮލާއި ބުރަކައްޓާއި ބަނޑަށް ވަނީ ވަޅި ހަރާފައެވެ.
ފުލުހުންގެ މީޑިޔާ އޮފިޝަލަކު ވިދާޅުވީ ވަޅި ޖެހި މައްސަލައިގައި ކޯޓު އަމުރެއްގެ ދަށުން 28 އަހަރުގެ ފިރިހެނަކު ހައްޔަރު ކޮށްފައިވާ ކަމަށެވެ.
ފުލުހުން ދަނީ މި މައްސަލަ އިތުރަށް ތަހުޤީޤު ކުރަމުންނެވެ.
