ތަފާތު ޚަބަރު
ދިވެހި ފިލްމް އިންޑަސްޓްރީ
ކުރީގެ ފިލްމީ ތަރި ހައްޖަ މަރުވެއްޖެ
މަރުވެފައިވަނީ ހޯމަ ދުވަހުގެ ރޭ 8:35 ހާއިރު އިންޑިއާގެ އަމްރީތާ ހޮސްޕިޓަލްގައި
އަޒްލިފާ އަބްދުﷲ, ރާއްޖެ އެމްވީ | 11 ސެޕްޓެމްބަރު 2018 | އަންގާރަ 02:22
ހަދީޖާ ފިރިމީހާއާ އެކު
އެޓޯލްސް ޑްރާމާއިން ބެލުންތެރިންގެ މަގްބޫލްކަން ހޯދި ކުރީގެ ދިވެހި ފިލްމީ ތަރި ހަދީޖާ (ހައްޖަ) މަރުވެއްޖެއެވެ.
ރާއްޖެ އެމްވީއަށް މައުލޫމާތު ދެމުން ހައްޖަގެ ފިރިމީހާ މުހައްމަދު އަސްލަމް ބުނީ އޭނާ ނިޔާވެފައި ވަނީ ހޯމަ ދުވަހުގެ ރޭ 8:35 ހާއިރު އިންޑިއާގެ އަމްރީތާ ހޮސްޕިޓަލްގައި ކަމަށެވެ.
ހައްޖަ ނިޔާވީ ލިވަރ ޓްރާންސްޕްލާންޓް ހެދުމަށް ފަހު އިންފެންޝަން އުފެދިގެން ފަރުވާދެމުން ދަނިކޮށެވެ.
އުމުރުން 40 އަހަރުގެ ހައްޖަ އަށް ހޮސްޕިޓަލްގައި އެޑްމިޓް ކޮށްގެން ފަރުވާ ދެމުން ދާތާ ތިން މަހަށް ވުރެ ގިނަ ދުވަސް ވެފައިވާ ކަމަށް އަސްލަމް ބުންޏެވެ. އެޓޯލްސް ޑްރާމާ ކުޅެގެން އެވޯޑްތައް ހާސިލް ކޮށްފައިވާ ހައްޖަ ވަނީ ގިނަ ވީޑިއޯ ލަވަތަކުން ވެސް ފެނިގެން ގޮސްފައެވެ.
