ރިޔާސީ އިންތިޚާބުގައި ރަށްވެހިވެފައިވާ ރަށްނޫން އެހެން ތަނެއްގައި ވޯޓުލުމަށް ރީ-ރަޖިސްޓަރީ ކޮށްފައިވާ އަދަދަށް ބެލުމަށްފަހު، މާލޭސިޓީގައި ވޯޓުލުމަށް ރަޖިސްޓަރީކޮށްފައިވާ ހަތް ވޯޓު ފޮށްޓަކަށް ބަދަލު ގެނެސްފިއެވެ.
އެގޮތުން ގެނެސްފައިވާ ބަދަލުގެ ތެރޭގައި ހުޅުމާލެ އެހެނިހެން 4 ވަނަ ނަންބަރު ވޯޓުފޮށްޓަށް ވޯޓުލުމަށް ރަޖިސްޓަރީކޮށްފައިވާ މީހުން ހުޅުމާލެ އެހެނިހެން 8 ވަނަ ނަންބަރު ވޯޓުފޮށްޓަށް ވޯޓުލާ ގޮތަށް ހަމަޖެއްސުމާއި ވިލިމާލެ 4 ވަނަ ނަންބަރު ވޯޓުފޮށްޓަށް ވޯޓުލުމަށް ރަޖިސްޓަރީކޮށްފައިވާ މީހުން ވިލިމާލެ 3 ވަނަ ނަންބަރު ވޯޓުފޮށްޓަށް ވޯޓުލާ ގޮތަށް ހަމަޖެއްސުން ހިމެނޭ ކަމުގައެވެ.
މީގެ އިތުރުން ވިލިމާލެ އެހެނިހެން 4 ވަނަ ނަންބަރު ވޯޓުފޮށްޓަށް ވޯޓުލުމަށް ރަޖިސްޓަރީކޮށްފައިވާ މީހުން ވިލިމާލެ އެހެނިހެން 2 ވަނަ ނަންބަރު ވޯޓުފޮށްޓަށް ވޯޓުލާ ގޮތަށް ހަމަޖައްސާފައިވާއިރު ގަލޮޅު ދެކުނު 5 ވަނަ ނަންބަރު ވޯޓުފޮށްޓަށް ވޯޓުލުމަށް ރަޖިސްޓަރީކޮށްފައިވާ މީހުން މާފަންނު މެދު 2 ވަނަ ނަންބަރު ވޯޓުފޮށްޓަށް ވޯޓުލާ ގޮތަށް ހަމަޖައްސާފައި ވަކަމަށްވެސް އިލެކްޝަންސް ކޮމިޝަނުން ބުނެއެވެ.
ހދ އަތޮޅު މާލެ 5 ވަނަ ނަންބަރު ވޯޓުފޮށްޓަށް ވޯޓުލުމަށް ރަޖިސްޓަރީކޮށްފައިވާ މީހުން ހދ.އަތޮޅު މާލެ 4 ވަނަ ނަންބަރު ވޯޓުފޮށްޓަށް ވޯޓުލާ ގޮތަށް ހަމަޖައްސާފައިވާކަމަށާއި އދ އަތޮޅު މާލެ 3 ވަނަ ނަންބަރު ވޯޓުފޮށްޓަށް ވޯޓުލުމަށް ރަޖިސްޓަރީކޮށްފައިވާ މީހުން އދ އަތޮޅު މާލެ 1 ވަނަ ނަންބަރު ވޯޓުފޮށްޓަށް ވޯޓުލާ ގޮތަށް ހަމަޖައްސާފައި ވާކަމަށްވެސް އިލެކްޝަންސް ކޮމިޝަނުން ބުނެފައި ވެއެވެ.
ބަދަލު ގެނެސްފައިވާ ހަތް ވަނަ ވޯޓް ފޮއްޓަކީ ލ އަތޮޅު މާލެ 4 ވަނަ ނަންބަރު ވޯޓުފޮށްޓަށް ވޯޓުލުމަށް ރަޖިސްޓަރީކޮށްފައިވާ މީހުން ލ. އަތޮޅު މާލެ 3 ވަނަ ނަންބަރު ވޯޓުފޮށްޓަށް ވޯޓުލާ ގޮތަށް ހަމަޖެއްސުމެވެ.
މިއަހަރުގެ ރިޔާސީ އިންތިހާބު ބޭއްވުމަށް ހަމަޖެހިފައިވަނީ އަންނަ ސެޕްޓެމްބަރު މަހުގެ 23 ވަނަ ދުވަހު އެވެ.
