ސައިފް އާއި ކަރީނާ ދަރިފުޅާއެކު ޗުއްޓީ ހޭދަކުރުމަށް ރާއްޖެ އަށް!

ބޮލީވުޑްގެ މަޝްހޫރު ދެ ތަރިންކަމަށްވާ ސައިފް އަލީ ޚާން އާއި އަންހެނުން ކަރީނާ ކަޕޫރު ޚާން ދަރިފުޅު ތައިމޫރު އަލީ ޚާން އާއި އެކު ޗުއްޓީ ހޭދަކުރުމަށް ދިވެހިރާއްޖެ އަންނަ ކަމަށް ޚަބަރުތައް ބުނެފިއެވެ.

އާދިއްތަ ދުވަހު ވަރަށް ހެނދުނާ ސައިފް އޭނާގެ އާއިލާއާއެކު މުމްބާއި އެއާޕޯޓުން ޕަޕަރާޒީންނަށް ވަނީ ފެނިފައެވެ.

ސޯޝަލް މީޑިއާގައި ދައުރުވަމުންދާ ފޮޓޯތަކުގައި ސައިފް އޭނާގެ ދަރިފުޅު ތައިމޫރު އުރާލައިގެން ހުރިއިރު ތައިމޫރު ފެނިގެން ގޮސްފައިވަނީ ހުދާއި ކަޅު ކުލައިގެ ޕޮކަރ ޑޮޓްސް ޖަހާފައިވާ ޕިޖާމާއެއްލައްވާފައި ކަޅު ކުލައިގެ އިސްޓާކީނަކަށް އަރުވާފައިވަނިކޮށެވެ.

ސައިފް ސައިފް ފެނިގެން ގޮސްފައިވަނީ ކްރީމް ކުލައިގެ ގަމީހަކާއި ނޫކުލައިގެ ޖިންސެއްލައިގެންނެވެ. ހުދު ކުލައިގެ ސްނީކާ އަކަށް އަރާފައި ހުރިއިރު އޭނާގެ ބޮލުގައި ވަނީ ކުރީމް ކުލައިގެ ހެޓެއް އަޅާފައެވެ. ކަރީނާ ވަނީ ހުދުކުލައިގެ މެކްސީ އަކާއި އޮފް ވައިޓް ސްޓައިޕް ޖެކެޓެއް ލާފައެވެ. ފޮޓޯތަކުގައި ކަރީނާ އަރާފައި ހުރީ އަޅި ކުލައިގެ ސްނީކާ އަކަށެވެ.ކަޅު ކުލައިގެ އަވިއައިނެއް އަޅާފައި ހުރިއިރު ކަރީނާގެ އަތުގައި ބޮޑު ދަބަހެއް އޮއްވާ ފެނެއެވެ.

2016 ވަނަ އަހަރުގެ ޑިސެމްބަރު 20 ގައި އުފަންވި ތައިމޫރަށް ދެ އަހަރު ވާން ކައިރި ވެފައި ވާއިރު ތައިމޫރު ވެފައިވަނީ އެންމެން ވެސް ވަރަށް ގަޔާވާ ލޯބި ކުއްޖަކަށެވެ. އަދި ތައިމޫރުގެ ފޮޓޯތަކަށް އިންޓަނެޓްގައި ވަނީ އެންމެންގެ ސަމާލުކަން ހުއްޓިފައެވެ.