މާދަމާ ރޭ މުޅި ވިލިމާލެއިން ފެނުގެ ޚިދުމަތް ކަނޑާލަނީ
1 ސެޕްޓެމްބަރު 2018 | ހޮނިހިރު 07:55ފެނުގެ ޚިދުމަތް ކަނޑާލަނީ 3 ގަޑިއިރަށް
އަމްނާ އިމާދު | 1 ސެޕްޓެމްބަރު 2018 | ހޮނިހިރު 07:55
ފެނުގެ ޚިދުމަތް ފޯރުކޮށްދޭ އެމްޑަބްލިއުއެސްސީގެ އިމާރާތް
ވިލިމާލޭގެ ފެނުގެ ވިއުގަޔަށް ދިމާވެފައިވާ މައްސަލައެއް ހައްލުކުރުމަށް، އާދިއްތަ ދުވަހުގެ ރޭ ފެންކަނޑާލަން އެމްޑަބްލިއުއެސްސީން ނިންމައިފިއެވެ.
އެމްޑަބްލިއުއެސްސީން ބުނީ ފެނުގެ ޚިދުމަތް ކަނޑާލަނީ ތިން ގަޑިއިރަށް ކަމަށާއި، އެއީ އާދިއްތަ ދުވަހުގެރޭ 10:00 އިން ދަންވަރު 1:00 އަށް ކަމަށްށެވެ.
މުޅި ވިލިމާލެއިން ފެން ކަނޑާލަން ނިންމާފައިވާއިރު އެ ވަގުތު ދިމާވެދާނެ ދަތިތަކަށް އެ ކުންފުނިން ވަނީ ރައްޔިތުންގެ ކިބައިން މާފަށް އެދިފައެވެ.
ވިލާމާލެއިން ފެން ކަނޑާލަން ނިންމި އިރު، މި ދުވަސްވަރު މާލެއިން ކަރަންޓުގެ ކެނޑުން ވަނީ އާންމު މައްސަލައަކަށް ވެފައެވެ. އަދި މިއަދުގެ މުޅިމާލެ އިން ކަރަންޓު ކެނޑި ގިނަ ބައެއްގެ މަސައްކަތްތަކަށް ބުރޫއަރާފައި ވެއެވެ.
