ނަޑެއްލާގައި ނުރައްކާތެރި އެކްސިޑެންޓެއް ހިނގައިފި
30 އޯގަސްޓު 2018 | ބުރާސްފަތި 04:01މި އެކްސިޑެންޓްގައި ތިން ކުއްޖަކަށް އަނިޔާވެފައިވާއިރު ދެ ކުއްޖެއްގެ ހާލު ސީރިއަސް
އަމްނާ އިމާދު | 30 އޯގަސްޓު 2018 | ބުރާސްފަތި 04:01
ގދ. ނަޑެއްލާ
ގދ. ނަޑެއްލާގައި ނުރައްކާތެރި އެކްސިޑެންޓެއްގައި ހިނގައި ދެ ކުއްޖަކަށް ސީރިއަސް އަނިޔާތަކެއް ލިބިއްޖެއެވެ.
ރާއްޖެއެމްވީއަށް މައުލޫމާތު ލިބިފައިވާ ގޮތުގައި ބުދަ ދުވަހު ހިނގި މިއެކްސްޑިޑެންޓް ހިނގީ ދެ ސައިކަލެއް ޖެހިގެންނެވެ.
މި އެކްސިޑެންޓްގައި ތިން ކުދިންނަށް ވެސް އަނިޔާވެފައިވާއިރު ދެ ކުއްޖެއްގެ ހާލު ސީރިއަސް ވެގެން ގދ. ތިނަދޫ ޑރ. އަބްދުއްސަމަދު މެމޯރިއަލް ހޮސްޕިޓަލުގައި އަންނަނީ ފަރުވާ ދެމުންނެވެ.
އެއީ 11 އަހަރުގެ ފިރިހެން ކުއްޖަކަށާއި، 17 އަހަރުގެ ފިރިހެން ކުއްޖެއް ކަމަށް ވެސް މައުލޫމާތު ލިބެއެވެ. އަދި ސީރިއަސް އަނިޔާ ނުލިބި ސަލާމަތްވި ފިރިހެން ކުއްޖާއަށް ވެސް 17 އަހަރެވެ.
މި އެކްސިޑެންޓާ ގުޅިގެން ފުލުހުންގެ ބަހެއް ވަނީ ލިބޭ ގޮތް ނުވެފައެވެ.
