ބުދަ 17 ޖުލައި 2019
03 ފުސް
1440 ޒުލްގައިދާ 14
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ރާއްޖެ - ރިޔާސީ އިންތިހާބު 2018

ވަގަށް ގޮވުމުން، ވެލިދޫން ޒުވާނަކު ހައްޔަރުކޮށްފި

  • ކޯޓުގެ އަމުރުގެ ދަށުން ބެނާތަކާއި ދިދަތައްވެސް ނަގާފައިވޭ

އަބުދުﷲ ނަސީރު އިބްރާހިމް
DeNaseer

ކ. މާލެ 28 އޯގަސްޓު 2018 | އަންގާރަ 21:12 14,336

އިދިކޮޅަށް ތާއީދުކުރާ ފަރާތްތަކުން ވެލިދޫ ބަނދަރު ސަރަހައްދުގައި - ރާއްޖެ އެމްވީ

ރައީސް އަބްްދުﷲ ޔާމީން، ނ. ވެލިދޫއަށް ކުރައްވާ ދަތުރުފުޅުގައި އެމަނިކުފަނު އެ ރަށަށް ވަޑައިގެންނެވުމުގެ ކުރިން ބަނދަރުމަތީ ހުރެ ވަގަށް ގޮވިކަމަށް ބުނެ ޒުވާނަކު ހައްޔަރުކޮށްފި އެވެ. 

ރާއްޖެ.އެމްވީއަށް މައުލޫމާތުދެމުން ވެލިދޫގެ އެމްޑީޕީގެ ކެމްޕޭން މެނޭޖަރ އަޒްވަދު ހުސެއިން ވިދާޅުވީ ރައީސް ވަޑައިގަންނަވާތީ، ބަނދަރުގެ އެއް ފަރާތުގައި އިދިކޮޅު ފަރާތްތަކަށް ތާއީދުކުރާ އާންމު ރައްޔިތުން މަޑުކޮށްލައިގެން ތިބިކަމަށެވެ. އަދި އެ ސަރަހައްދުގައި މަޑުކޮށްގެން ތިއްބަ ޒުވާނަކު ހައްޔަރުކޮށްފައިވާކަމަށާއި، ހައްޔަރުކުރީ "ވަގަށް" ގޮވުމުގެ ސަބަބުން ކަމަށް އަޒްވަދު ވިދާޅުވި އެވެ. ހަމައެހެންމެ އިތުރު ދެ މީހަކު ހައްޔަރުކޮށްފައިވާ ކަމަށާއި އޭގެތެރޭގައި އަންހެނެއް ވެސް ހިމެނޭ ކަމަށް އަޒްވަދު ވިދާޅުވިއެވެ. 

އޭނާ ވިދާޅުވީ ރައީސް ވަޑައިގެންނެވުމުގެ ކުރިން ފުލުހުން ކޯޓު އަމުރުތަކަކާއެކު އިދިކޮޅު ފަރާތްތަކުން ބޭނުންކުރި ބެނާތަކާއި، އެމްޑީޕީގެ ދިދިތައް ނަގާފައިވާކަމަށެވެ. އެގޮތުން އެމްޑީޕީގެ ހަރުގޭގައި "އެޑްވާންސްކޮށް ވައްކަންކުރާ ވެރިޔެއް ބޭނުމެއް ނޫން" އެފަދައިން ލިޔެފައިވާ ބެނާއެއް އިނުމުން އެވެސް ފުލުހުން ގެންގޮސްފައިވާ ކަމަށެވެ. އޭގެއިތުރުން އަމިއްލަ މީހުންގެ ގޭގޭގައި ނަގާފައި ހުރި އެމްޑީޕީގެ ދިދަތައްވެސް ފުލުހުން ނެގިކަމަށް އަޒްވަދު ވިދާޅުވި އެވެ. 

ރައީސް ޔާމީން ވެލިިދޫއަށް ވަޑައިގެންނެވީ، ވެލިދޫގައި ކުރިއަށްގެންދިޔަ މަޝްރޫއުތަކުގެ ނިމުން ފާހަގަކުރުމުގެ ގޮތުންނެވެ. 

 

 

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަހްމަދު ސާއިފް ޝިޔާދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް