ޑރ ޝަހީމަށް ޑރ. އިޔާޒް ރައްދު ދެއްވައިފި
28 އޯގަސްޓު 2018 | އަންގާރަ 04:33ޖަލަށްދާން ޖެހެނީ ވެރިޔާ ހިންގަވާހާ ޖަރީމާތަކަށް ހައްޕު ނުކިޔައި ހައްޤު ބަސް ބުނާތީތޯ؟
ދީނީ ޢިލްމުވެރިޔާ ޑރ. މުހައްމަދު އިޔާޒް
ރައީސް ޢަބްދުﷲ ޔާމީންގެ ރަނިންގ މޭޓް ޑރ. މުހައްމަދު ޝަހީމް ޢަލީ ސައީދަށް ދީނީ ޢިލްމުވެރިޔާ އަދި އަދާލަތު ޕާޓީގެ އިލްމުވެރިންގެ މަޖިލީހުގެ މެމްބަރު ޑރ. މުހައްމަދު އިޔާޒް ދީނީ ގޮތުން ވަރަގުގަދަ ރައްދެއް ދެއްވައިފިއެވެ.
ޑރ. އިޔާޒް ރައްދު ދެއްވީ "މީހާ ޖަލަށް ދާން ޖެހެނީ މީހާ އުޅޭ ގޮތުން" ކަމަށް ވިދާޅުވެ ޑރ ޝަހީމް ދެއްކެވި ވާހަކަފުޅަކަށް ރައްދު ދެއްވަމުންނެވެ.
ލ. އަތޮޅަށް ކުރައްވަމުން ގެންދަވާ ދަތުރުގައި މާވަށުގައި ވާހަކަ ދައްކަވަމުން ޑރ. ޝަހީމް ވިދާޅުވީ ކުށެއް ކޮށްފި ނަމަ ހުދު އޭނާ ވެސް ޖަލަށް ދާން ޖެހޭނެ ކަމަށެވެ. ކުރިއަށް އޮތް އިންތިހާބުގައި ރައީސް ޔާމީން އިންތިހާބު ވެއްޖެ ނަމަ ޝަހީމް ވެސް ޖަލަށްލާނެ ކަމަށް ބައެއް ފަރާތްތަކުން ދައްކަމުންދާ ވާހަކަތަކަށް ރައްދު ދެއްވައި ޝަހީމް ވިދާޅުވީ ޖަލަށްދާން ޖެހެނީ މީހުންނަށް އުޅެވޭ ގޮތުން ކަމަށެވެ.
މިވާހަކަ އަށް ރައްދު ދެއްވައި ޑރ. އިޔާޒް ވަނީ، އެއީ "ވެރިޔާ ހިންގަވާހާ ޖަރީމާތަކަށް ހައްޕު ނުކިޔައި ހައްޤު ބަސް ބުނާތީތޯ" ވިދާޅުވެ ސުވާލު ކުރައްވާފައެވެ.
ޑރ. އިޔާޒް ކުރެއްވި އެހެން ޓްވީޓެއްގައި ވަނީ ކިތަންމެ ހިތި ނަމަވެސް ހައްޤުބަސް ބުނުމަށް ފަހަތަށް ނުޖެހުމަށް ގޮވާލައްވާފައެވެ. ދަތި ކަމަކަށް ފަހު ލުޔެއް އަންނާނެ ކަމަށާއި އުނދަގުލަކަށް ފަހު ފަސޭހައެއް އަންނާނެ ކަމަށް ޑރ. އިޔާޒް ވިދާޅުވިއެވެ. އަދި އާޚިރުގައި ނަސްރު ލިބޭނީ ހައްޤަށް ކަމަށް ވެސް ޑރ. އިޔާޒް ވިދާޅުވެފައި ވެއެވެ.
ޑރ. ޝަހީމް ރައީސް ޔާމީންގެ ރަނިންގ މޭޓަކަށް ވެވަޑައިގެން ފަހުން ދައްކަވާ ބައެއް ވާހަކަތަކާ ކުރައްވާ ބައެއް ކަންކަމުގެ ސަބަބުން އެކުގައި އުޅުއްވި ޝަހީމްގެ ވަރަށް ގާތް ދީނީ އިލްމުވެރިން ވެސް ގެންދަވަނީ ޝަހީމަށް ފާޑު ވިދާޅުވަމުންނެވެ.
