އައްޑޫގައި ނުރައްކާތެރި އެކްސިޑެންޓެއް ހިނގައިފި
27 އޯގަސްޓު 2018 | ހޯމަ 07:28ދެ ސައިކަލެއް ޖެހި ހިނގި މި އެކްސިޑެންޓުގައި ތިން މީހަކަށް އަނިޔާވި
އައްޑޫގައި މިއަދު ހިނގި އެކްސިޑެންޓް
އައްޑޫ މަރަދޫގައި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން މީޑިއާ އޮފިޝަކް ވިދާޅުވީ މިއަދު ހެނދުނު 9:50 ހާއިދު ދެ ސައިކަލެއް ޖެހި ނުރައްކާތެރި އެކްސިޑެންޓެއް ހިނގާފައިވާ ކަމަށެވެ. އަދި އެކްސިޑެންޓާ ގުޅިގެން ތިން މީހަކަށް އަނިޔާވެފައިވާ ކަމަށާއި މި އެކްސިޑެންޓް ހިނގާފައި ވަނީ މަރަދޫ އާއި މަރަދޫފޭދޫ ގުޅޭ ހިސާބު ލިންކު ރޯޑުގައި ކަމަށް ފުލުހުން ބުންޏެވެ.
މިއަދު ހިނގި އެކްސިޑެންޓްގައި މީހަކަށް އަނިޔާވެފައި
ރާއްޖެއެމްވީއަށް މައުލޫމާތު ލިބިފައިވާ ގޮތުގައި އެކްސިޑެންޓުގައި އަނިޔާވި ތިން މީހުންނަށް ހިތަދޫ ރީޖަނަލް ހޮސްޕިޓަލުގައި އަންނަނީ ފަރުވާ ދެމުންނެވެ. އެކްސިޑެންޓުގައި ދެ މީހެއްގެ ފައި ބިންދައިގެން ގޮސްފައިވާ އިރު އެކެއްގެ ފައިގެ ދެ ތަނަކުން ވަނީ ބިނދިފައެވެ. އަދި ތިންވަނަ މީހާގެ ހަށިގަނޑު ބައެއް ތަންތަން މަށައިގެން ގޮސްފައިވާ ކަމަށާއި، ފުރާނަ އަށް ނުރައްކާވާ ފަދަ ސީރިއަސް އަނިޔާއެއް ލިބިފައި ނުވާ ކަމަށް މައުލޫމާތު ލިބެއެވެ.
މިއެކްސިޑެންޓް ފުލުހުން އަންނީ ތަހުގީގު ކުރަމުންނެވެ.
