1 އޮގަސްޓްއިން ފެށިގެން ނަރުހުންގެ ވަޒީފާގެ އާ އޮނިގަނޑަށް ވަނީ ބަދަލުގެނެސްފައި
ނަރުހުންގެ މުނާސަބަތުގައި ބޭއްވި ޖަލްސާއެއްގައި ނަރުހުންތަކެއް. ނަރުހުންގެ މުސާރައިގެ 15 ޕަސެންޓް ވަނީ ބޮޑު ކޮށްފައި
ނަރުހުންގެ މުސާރައިގެ އޮނިގަނޑު އެކުލަވާލައި މުސާރައިގެ 15 ޕަސެންޓް ބޮޑުކޮށްފި އެވެ.
ހެލްތު މިނިސްޓްރީން ނެރުނު ނޫސްބަޔާނުގައި ބުނެފައިވަނީ 1 އޮގަސްޓްއިން ފެށިގެން ނަރުހުންގެ ވަޒީފާގެ އާ އޮނިގަނޑަށް ބަދަލު ގެނެސްފައިވާކަމަށެވެ. އަދި ސިއްހީ ދާއިރާގެ ހިދުމަތްތައް ފުޅާވެގެންދާއިރު ނަރުހުންގެ ހިދުމަތަކީ ކުރިއަރާދިޔުމަށް ވަރަށް ބޮޑަށް ބޭނުންވެފައިވާ ހިދުމަތަކަށްވުމާއި އެކު، ކުރިން އަމަލު ކުރަމުންދިޔަ ނަރުހުންގެ ވަޒީފާގެ އޮނިގަނޑާ ހިލާފަށް އަލަށް އޮނިގަނޑެއް އެކުލަވާލާފައިވެއެވެ.
އެ އޮނިގަނޑު އެކުލަވާލާފައިވަނީ:
ހެލްތު މިނިސްޓްރީން ބުނީ ނަރުހުންގެ އާ އޮނިގަނޑު އެކުލަވާލުމުގެ މަސައްކަތް ކޮށްފައިވަނީ ސިވިލް ސަރވިސް ކޮމިޝަނާއި އައިޖީއެމް ހޮސްޕިޓަލާއި، މޯލްޑިވްސް ނަރސިންގެ އެންޑް މިޑްވައިފާރީ ކައުންސިލާއި، ކަމާއި ގުޅުން ހުރި ޓެކްނިކަލް ފަރާތްތަކުން އަދި އެހެނިހެން އިދާރާތަކުން ދެއްވި އިރުޝާދު ތަކުގެ މައްޗަށް ބަލާފައިކަމަށެވެ. މި އޮނިގަނޑުގެ ސަބަބުން ނަރުހުން މަތީތައުލީމް ހާސިލްކުރުމަށް ޝައުގުވެރިވެ ހިތްވަރު ލިބިގެންދާނެ ކަމަށް އެ މިނިސްޓްރީން ބުނެއެވެ.
ނަރުހުންގެ އާ އޮނިގަނޑު ތަންފީޒުކުރަން ފެށުމާ އެކު ނަރުހުންށް ބޭނުންވާ ހާއްސަ ތަމްރީން ޕްރޮގްރާމްތަކަށް މަގުފަހި ކުރުމަށް އިތުރު ފުރުސަތު އެ މިނިސްޓްރީގެ ފަރާތުން ހުޅުވާލާނެ ކަމެވެ.
