މިއަހަރު ބާއްވާ ރިޔާސީ އިންތިހާބުގައި ވާދަކުރައްވާ ރިޔާސީ ކެންޑިޑޭޓުންނާއި އެބޭފުޅުންގެ ރަނިންގ މޭޓުންނަށް އެމްއެންޑީއެފުން ސެކިއުރިޓީ ދޭން ފަށައިފިއެވެ
އެމްއެންޑީއެފުންބުނީ ރިޔާސީ ކެންޑިޑޭޓުންނާއި ރަނިންގ މޭޓުންނަށް ސެކިއުރިޓީ ދޭންފަށާފައިވަނީ ހޮނިހިރު ފެށިގެން ކަމުގައެވެ.
މިއަހަރުގެ ރިޔާސީ އިންތިހާބުގައި ވާދަކުރައްވަނީ ރައީސް އަބްދުﷲ ޔާމީނާއި އިދިކޮޅު ކެންޑިޑޭޓް އިބްރާހިމް މުހައްމަދު ޞާލިހް އެކަންޏެވެ. ރައީސް ޔާމީންގެ ރަނިންގ މޭޓަކީ އިސްލާމިކް ޔުނިވަރސިޓީގެ ޗާންސެލަރ ޑރ މުހައްމަދު ޝަހީމް ޢަލީ ސައީދެވެ. އިބްރާހިމް މުހައްމަދު ޞާލިހްގެ ރަނިންގ މޭޓަކީ ކާށިދޫ ދާއިރާގެ މެމްބަރު ފައިސަލް ނަސީމެވެ.
ރިޔާސީ އިންތިހާބު ބޭއްވުމަށް ހަމަޖެހިފައިވަނީ އަންނަ ސެޕްޓެމްބަރު މަހުގެ 23 ވަނަ ދުވަހުއެވެ.
