އަންގާރަ 18 ޖޫން 2019
02 އަދަ
1440 ޝައްވާލް 14
ފަތިސް 04:36
އިރުއަރާ 05:54
މެންދުރު 12:11
އަސްރު 15:35
މަޣްރިބް 18:20
އިޝާ 19:38
ލުއި ޚަބަރު - ބޮލީވުޑް

ޕްރިޔަންކާ އާއި ނިކް އެންގޭޖްވިކަން ރަސްމީކޮށް އިއުލާން ކޮށްފި

  • ފޮޓޯގައި ދެމީހުން ތިބީ ހިނިއައިސްފައި އެކަކު އަނެކަކުގެ ލޮލަށް ބަލަހައްޓައިގެން

އަޒްލިފާ އަބްދުﷲ
AzuAzlifa

ކ. މާލެ 18 އޯގަސްޓު 2018 | ހޮނިހިރު 16:16 5,454

ޕްރިޔަންކާ ޗޯޕްރާ އާއި ނިކް ޖޯނަސް - އެމްއެންޑީއެފް

ޕްރިޔަންކާ ޗޯޕްރާ އާއި ނިކް ޖޯނަސް އެންގޭޖް ކޮށްފައިވާ ކަމަށް ވާހަކަ ދެކެވެމުންދާތާ މަހެއްހާ ދުވަސް ފަހުން މި ދެމީހުންގެ އެންގޭޖްމަންޓް ރަސްމީކޮށް އިއުލާން ކޮށްފިއެވެ.

ހޮނިހިރު ދުވަހު ޕްރިޔަންކާ އާއި ނިކް ވަނީ އެދެމީހުންގެ އެންގޭޖްމަންޓް ހަފްލާގެ ފޮޓޯ އިންސްޓަގްރާމް ކޮށްފައެވެ. މި ދެމީހުން އިންސްޓަގްރާމް ކޮށްފައިވާ ދެ ފޮޓޯގެ ތެރެއިން ޕްރިޔަންކާ އިންސްޓަގްރާމް ކޮށްފައިވާ ފޮޓޯގެ ކެޕްޝަންގައި ލިޔެފައިވަނީ " ޓޭކަން ވިތް މައި ހާޓް އެންޑް ސޮއުލް" އެވެ.  ނިކް އިންސްޓަގްރާމް ކޮށްފައިވާ ފޮޓޯގެ ކެޕްޝަންގައި ވަނީ " ފިއުޗަރ މިސިޒް ޖޯނަސް. މައި ހާޓް. މައި ލަވް" އެވެ.

މި ދެމީހުން އިންސްޓްގްރާމް ކޮށްފައިވާ ދެ ފޮޓޯގައިވެސް ދެމީހުން ތިބީ ހިނިއައިސްފައި އެކަކު އަނެކަކުގެ ލޮލަށް ބަލަހައްޓައިގެންނެވެ.

ޕްރިޔަންކާގެ އެންގޭޖްމަންޓް ހަފްލާ ބަޢްވާފައިވަނީ އާއިލާގެ އުސޫލުތަކަށް އިހުތިރާމް ކުރުމަށް، އިންޑިއާގައި ކައިވެނި ކުރާ ސަގާފަތާއި އެއްގޮތަށެވެ.

ނިކްގެ އާއިލާ ވަނީ ހުކުރު ދުވަހު އިންޑިއާއަށް ގޮސްފައެވެ. އަދި ދެ އައިލާ އެކުގައި ވަނީ ހުކުރު ދުވަހުގެ ރޭގެ ކެއުމަށް އަށް ގޮސްފައެވެ. އުމުރުން 36 އަހަރުގެ ޕްރިޔަންކާއާއި ނިކް، 25، ފުރަތަމަ ފަހަރަށް އެއްކޮށް ފެނިފައިވަނީ 2017 ވަނަ އަހަރު މެޓް ގާލާ އިންނެވެ.

 

 

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: މިއުވާން މުހައްމަދު

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް