އެންމެ ފަހުން ޕްރިޔަންކާގެ އެންގޭޖްމަންޓް ރިންގް ދައްކާލައިފި

ޕްރިޔަންކާ ޗޯޕްރާއާއި ނިކް ޖޯނަސް އެންގޭޖް ވެފައިވާ ކަމަށް އަޑުފެތުރިފައިވާތާ އެއް މަސް ދުވަސް ފަހުން ޕްރިޔަންކާގެ އެންގޭޖްމަންޓް ރިންގް ދައްކާލައިފިއެވެ.

ނޭންގި ނަމަވެސް ޕްރިޔަންކާގެ އެންގޭޖްމަންޓް ރިންގް ފުރަތަމަ ފަހަރަށް މުޅި ދުނިޔެ އަށް ފެނިފައި މިވަނީ މަޝްހޫރު ފެޝަން ޑިޒައިނަރ މަނީޝް މަލޯތްރާ ގެ ޕާޓީގައި ރަވީނާ ތަންޑަން އާއި އެކު ނަގާފައިވާ ސެލްފީއެއް އެއްގައެވެ.

ރަވީނާ އޭނާގެ އިންސްޓަރގްރާމްގައި ޝެއަރ ކޮށްފައިވާ މި ސެލްފީގައި ޕްރިޔަންކާގެ އިނގިލީގައި އަޅާފައި އިނީ ހަތަރެސްކަނަށް އިން ޑައިމްޑެއް ޖަހާފައިވާ ސިލްވަރ ކުލައިގެ ރިންގެކެވެ.

ޕްރިޔަންކާގެ އެންގޭޖްމަންޓް ރިންގް އޭނާ ދައްކާލަނީ

ރިޕޯޓްތައް ބުނާ ގޮތުން ނިކް އާއި ޕްރިޔަންކާ އެންގޭޖް ކޮށްފައިވަނީ މިދިޔަ ޖުލައި މަހު ލަންޑަންގައި ޕްރިޔަންކާގެ 36 ވަނަ އުފަންދުވަހު އެވެ.

މީގެ ކުރިން ދެފަހަރެއްގެ މަތިން ޕްރިޔްނކާވަނީ އެނާގެ އެންގޭޖްމަންޓް ރިންގް މީޑިއާ އަށް ފޮރުވަން މަސައްކަތް ކޮށްފައެވެ.

ޕްރިޔަންކާ އާއި ނިކް ޖޯނަސް އެންގޭޖްކޮށްފައިވާ ކަމަށް އިންޓަނޭޝަނަލް ސައިޓްތައް ކަމަށްވާ "ޕީޕަލް" އަދި "އީ ރިޕޯޓް" ގައި ވެސް ވަނީ ބުނެފައެވެ.

ގުޅުމާ ބެހޭ ގޮތުން ދެ މީހުން ރަސްމީކޮށް އެއްވެސް ވާހަކައެއް ނުދެއްކި ނަމަވެސް ގުޅުން ސިއްރު ކުރަން މަސައްކަތް ނުކުރާކަމަށް ދެ މީހުން އެކުގައި ފެނިފައިވާ ފަރާތްތަކުން ފާހަގަ ކުރެއެވެ. ޕްރިޔަންކާ ދާދި ފަހުން ވަނީ ނިކް ގޮވައިގެން އިންޑިއާ އަށް ދަތުރެއް ވެސް ކޮށްފަ އެވެ.

އުމުރުން 36 އަހަރުގެ ޕްރިޔަންކާއާއި ނިކް، 25ފުރަތަމަ ފަހަރަށް އެއްކޮށް ފެނިފައިވަނީ 2016 ވަނަ އަހަރު މެޓް ގާލާ އިންނެވެ.