"ބޭވޮޗް"އަށް ފަހު ހޮލީވުޑްގެ ދެވަނަ ފިލްމުގެ މަސައްކަތް ކުރުމަށް ޕްރިޔަންކާ ތައްޔާރުވެއްޖެއެވެ.
ޕްރިޔަންކާގެ ދެވަނަ ފިލްމު "އަ ކިޑް ލައިކް ޖޭކް" ގެ ޕްރޮޑިއުސަރ ޕައުލް ބާނައުން ކޮށްފައިވާ ޓްވީޓެއްގައި ބުނީ "އަކިޑް ލައިކް ޖޭކް" ޕްރޮޑިއުސް ކުރަނީ އޭނާ ކަމަށެވެ. އަދި އޭނާ ވަނީ ޕްރިޔަންކާވެސް އޭގައި ޓެގް ކޮށްފައެވެ.
އޭގެ އިތުރުން އޭނާ ވަނީ މި ފިލްމުގެ އެހެން ކާސްޓުންނަކީ ޖިމް ޕާސަންސް، ކްލެއާ ޑޭންސް އަދި އޮކްޓާވިއާ ވެސް އޭނާގެ ޓްވީޓުގައި ޓެގް ކޮށްފައެވެ.
I am producing this & am so excited to work with Jim, Claire, @octaviaspencer @priyankachopra @michaelaWat! https://t.co/wg7IY25rzE
— Paul Bernon (@pbernon) May 12, 2017
އެހެން ނަމަވެސް ޕްރިޔަންކާ މިފިލްމާއި ދޭތެރޭ އަދި އެއްވެސް އެއްޗެއް ބުނެފައެއް ނުވެއެވެ. އެހެން ނަމަވެސް އޭނާ މީގެ ކުރިން ބުނެފައިވަނީ މި އަހަރު ތެރޭގައި ބޮލީވުޑްގެ ތިން ފިލްމެއް ކުޅުމަށް ވިސްނާ ކަމަށާއި އެހެން ނަމަވެސް ޔަގީންކަން ދެވޭނީ އޭނާ މިހާރު ކުޅެމުންދާ އެމެރިކަން ސީރީޒް"ކުއެންޓިކޯ" ގެ ޝެޑިއުލް އޮތްގޮތަކުން ކަމަށެވެ.
އަދި މިއަންނަ ޖޫންމަހުގެތެރޭގައި އޭނާ ނިންމާނެ ގޮތް އަންގާނެ ކަމަށް ޕްރިޔަންކާ ބުނެފައި ވެއެވެ. އެހެން ކަމުން މިއަންނަ ޖޫން މަހުގައި މި ފިލްމުތަކާއި ބެހޭގޮތުން އޭނާ ނިންމާނެ ގޮތް ހާމަކުރާއިރު ހޮލީވުޑްގެ ދެވަނަ ފިލްމުގެ ވާހަކަ ދައްކާނެ ކަމަށް ބެލެވޭކަމަށް މީޑިއާ ރިޕޯޓްތައް ބުނެއެވެ.
"އަ ކިޑް ލައިކް ޖޭކް" ގައި އެކްޓަރ ޖިމް ޕާސަން އަކީ އިންޑީއާގައި ވަރަށް ތަރުހީބު ބޮޑު އެކްޓަރެކެވެ. ހާއްސަކޮށް އޭނާގެ ސީރީޒް" ދަ ބިގް ބޭންގް ތިއަރީ" އަކީ އިންޑިއާގައި ވަރަށް މަގުބޫލު ސީރީޒްއެކެވެ. މި ފިލްމުގެ ޑައިރެކްޓަރަކީ ސިލާސް ހަވާޑްއެވެ. އޭނާއަކީ އިނގިރޭސި ސީރީޒް "ޓްރާންސްޕޭރެންޓް" ވެސް ޑައިރެކްޓް ކުރި ފަރާތެވެ.
