ގދ. ވާދޫގައި އަބުރުފުޅު ފަންޑު ފޮށްޓެއް ހުޅުވައިފި
14 އޯގަސްޓު 2018 | އަންގާރަ 14:28ވާދޫގެ ގިނަ އަދަދެއްގެ ރައްޔިތުން އަންނަނީ އެހީތެރިވަމުން
ވާދޫގައި ހުޅުވި އަބުރުފުޅު ފަންޑް
ބްރޯޑްކާސްޓިން ކޮމިޝަނުން ރާއްޖެ ޓީވީ ދެ މިލިއަން ރުފިޔާއިން ޖޫރިމަނާ ކުރުމާއި ގުޅިގެން އެހީތެރިކަން ފޯރުކޮށްދިނުމުގެ ގޮތުން ގދ. ވާދޫގެ ރައްޔިތުން އެރަށުގައި "އަބުރުފުޅު ފަންޑް" ފޮށްޓެއް ހުޅުވައިފިއެވެ.
ގދ. ވާދޫގެ ރައްޔިތުން އިސް ނަގައިގެން ރާއްޖެ ޓީވީއަށް އެހީތެރިވުމަށް ފަންޑް ފޮށްޓެއް ހުޅުވާފައިވާއިރު އެރަށުގެ ގިނަ ރައްޔިތުން ބަލާ ޓީވީ ޗެނަލްއަކީ ރާއްޖެ ޓީވީއެވެ. އެރަށުގެ ގިނަ އަދަދެއްގެ ރައްޔިތުން އަންނަނީ ބްރޯޑްކޮމްއިން ހިންގާ ޖަރީމާތަކަށް ނޫނެކޭ ބުނުމުގެ ގޮތުން މި ފަންޑަށް އެހީތެރިވަމުންނެވެ.
އަބުރުފުޅު ފަންޑަށް ވާދޫގެ ރައްޔިތުން އެހީތެރިވަނީ
ރާއްޖެ ޓީވީ ޖުރިމާނާ ކުރުމުން އަބުރުފުޅު ފަންޑު ހުޅުވައިދެއްވީ މިދިޔަ ހުކުރު ދުވަހުގެ ހަވީރު ރާއްޖެޓީވީ ކުރިމަތީގައި ބޭއްވި ރަސްމިއްޔާތެއްގައި އިދިކޮޅު ކޯލިޝަންގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) އެވެ. ރާއްޖެޓީވީއަށް އެހީތެރިވުމަށްޓަކައި އަބުރުފުޅު ފަންޑު އިބޫ ހުޅުއްވައިދެއްވުމާ އެކު، ރާއްޖެޓީވީއަށް ތާއީދު ކުރާ ގިނަ ފަރާތްތަކުން ވަނީ ރާއްޖެޓީވީއަށް ފައިސާގެ އެހީތެރިކަން ފޯރުކޮށްދޭން ފަށާފައެވެ.
ވާދޫގެ ރައްޔިތުން އަބުރުފުޅު ފަންޑަށް އެހީވަނީ
މީގެ އިތުރުން ރާއްޖެ ޓީވީއަށް އެހީވުމަށް އެކި ރަށްރަށުގައި ފަންޑުފޮށި ބަހައްޓަމުންދާއިރު ގުޅިފައިވާ ޕާޓީތަކުގެ ރިޔާސީ ކެންޑިޑޭޓް އިބްރާހީމް މުހައްމަދު ސޯލިހާއި ރަނިންގ މޭޓް ފައިސަލް ނަސީމް ރަށްރަށަށް ކުރައްވާ ކެމްޕެއިން ދަތުރުފޅުތަކުގައި ވެސް ދަނީ ރާއްޖެ ޓީވީގެ ފަންޑު ފޮށި ބަހައްޓަމުންނެވެ.
