ގާޒީ އަހްމަދު ރަޝީދުގެ ސަސްޕެންޝަން އުވާލައިފި
11 އޯގަސްޓު 2018 | ހޮނިހިރު 13:36އަހުމަދު ރަޝީދު ސަސްޕެންޝަން އުވާލީ އޭނާއާ މެދު ހުށަހެޅުނު ސުލޫކީ މައްސަލަ ސާބިތު ނުވުމުން
ކްރިމިނަލް ކޯޓުގެ ގާޒީ އަހްމަދު ރަޝީދު | ޓްވިޓަރ
ކްރިމިނަލް ކޯޓުގެ ގާޒީ އަހްމަދު ރަޝީދުގެ ސަސްޕެންޝަން އުވާލައިފި އެވެ.
ޖުޑީޝަލް ސާވިސް ކޮމިޝަން (ޖޭއެސްސީ) އިން އަހުމަދު ރަޝީދު ސަސްޕެންޝަން އުވާލީ އޭނާއާ މެދު ހުށަހެޅުނު ސުލޫކީ މައްސަލަ ސާބިތު ނުވުމުންނެވެ.
މައުލޫމާތު ލިބިފައިވާ ގޮތުގައި އަހުމަދު ރަޝީދު އާދީއްތަ ދުވަހުން ފަށައިގެން ކޯޓުގައި މައްސަލަ ބައްލަވަން ފައްޓަވާނެއެވެ.
އަހްމަދު ރަޝީދު މިދިޔަ އަހަރުގެ އޯގަސްޓް މަހުގެ 23 ވަނަ ދުވަހު ސަސްޕެންޑް ކޮށްފައިވާއިވާއިރު އޭނަ ސަސްޕެންޑް ކުރި މައްސަލަ ޖޭއެސްސީ އާންމުކޮށްފައިނުވެއެވެ.
އަހުމަދު ރަޝީދު ކްރިމިނަލް ކޯޓުގެ ފަނޑިޔާރު ކަމަށް އައްޔަންކުރައްވާ މަގާމުގެ ފަތްކޮޅު ދެއްވީ 2015 ވަނަ އަހަރުގެ ފެބްރުއަރީ މަހުގެ 18 ވަނަ ދުވަހު އެވެ.
