ރާއްޖެ
ރިޔާސީ އިންތިޚާބު 2018
ގާނޫނާ އެއްގޮތަށް މަސައްކަތް ކުރުމަށް އީސީއަށް ފައިސަލް ގޮވާލައްވައިފި
އަބަދަކު އެއްގޮތަކަށް ކަންތައްތައް ނޯންނާނެ
ތަހާރަތު މުހައްމަދު ވަހީދު, ރާއްޖެ އެމްވީ | 10 އޯގަސްޓު 2018 | ހުކުރު 21:47
ޅ. ކުރެންދޫގައި ބޭއްވި ޖަލްސާގައި ފައިސަލް ވާހަކަ ދައްކަވަނީ
ގާނޫނު އަސާސީ އާއި އެއްގޮތަށް މަސައްކަތް ކުރުމަށް ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް، އިބްރާހިމް މުހައްމަދު ސޯލިހްގެ ރަނިންގމޭޓް ފައިސަލް ނަސީމް، އިލެކްޝަންސް ކޮމިޝަނަށް ގޮވާލައްވައިފި އެވެ.
ގުޅިފައިވާ ސިޔާސީ ޕާޓީތަކުން ހުކުރު ދުވަހުގެރޭ ޅ. ކުރެންދޫގައި ބޭއްވި ޖަލްސާގައި ވާހަކަދައްކަވަމުން ފައިސަލް ވިދާޅުވީ އަބަދަކު އެއްގޮތަކަށް ކަންތައްތައް ނޯންނާނެކަން ތާރީޚުގެ ތެރެއިންނާއި އަދި މިހާރުވެސް ގައުމުގައި ހިނގަމުންދާ ކަންތައްތަކުން ސާފުވާކަމަށެވެ.
"ވަކި ބަޔަކަށް ކަންތައްތައް މަގުފަހި ކޮށްދިނުމަށްޓަކައި ގާނޫނާ ޚިލާފު ކަންތައްތައް ކުރިއަށް ނުގެންދަވާށޭ، ގާނޫނާ ޚިލާފު ވެއްޖެނަމަ އެއީ އިލެކްޝަންސް ކަމިޝަންސްގެ މެމްބަރަކަށްވިއަސް އެއީ ބްރޮޑްކާސްޓިން ކަމިޝަންގެ މެމްބަރަކަށް ވިއަސް ގާނޫނު އަރާ ހަމަކޮށް އެކަންތައްތައް ތަހުގީގު ކުރެވި އެކަންތައްތަކުގެ ހައްގު ފިޔަވަޅު އެޅިގެންދާނެ." ފައިސަލް ވިދާޅުވިއެވެ.
ފައިސަލް ވިދާޅުވީ ދިވެހި ރައްޔިތުން ބޭނުންވަނީ އިންސާފުކަމަށެވެ. އަދި އާއިލާތަކާއެކު ހަމަޖެހިގެން ދިރިއުޅެވޭނެ ފަދަ ދިރިއުޅުމެއް ކަމަށް ފައިސަލް ވިދާޅުވިއެވެ.
