ގއ.ކޮލަމާފުއްޓަށް އެތެރެކުރި މަސްތުވާތަކެތި ފުލުހުންގެ ބެލުމުގެ ދަށަށް ގެނެސްފި
9 އޯގަސްޓު 2018 | ބުރާސްފަތި 17:22މަސްތުވާތަކެތީގެ ބޮޑު ދެ ރަބަރު ޕެކެޓު ފެނިފައިވޭ
ފުލުހުން އަތުލައިގަތް މަސްތުވާތަކެތި
ފުލުހުން ހިންގި އޮޕަރޭޝަނެއްގައި ގއ.ކޮލަމާފުށިން މަސްތުވާތަކެތި ހޯދައި، އެތަކެތި ފުލުހުންގެ ބެލުމުގެ ދަށަށް ގެނެސްފިއެވެ.
އެ އޮޕަރޭޝަން ހިންގައިފައި ވަނީ ކޮލަމާފުއްޓަށް ދަތުރުކުރާ ބޯޓަކުން މަސްތުވާތަކެތި އެތެރެކުރަންއުޅޭ ކަމަށް ލިބުނު މަޢުލުމާތަކާއި ގުޅިގެންނެވެ.
އޮގަސްޓް 08 ވަނަ ދުވަހު ހިންގި އެ އޮޕަރޭޝަންގައި، ކޮލަމާފުށި ބަނދަރުގައި އޮތް ބޯޓަކުން ބާލާފައިވާ ފޮށިގަނޑެއްގައި މަސްތުވާތަކެތި ހުރިކަމަށް ޝައްކުކުރެވިގެން އެފޮށިގަނޑު ފުލުހުންގެ ބެލުމުގެ ދަށަށް ގެނެސް ބަލައިފާސްކުރިއިރު، މަސްތުވާތަކެތި ކަމަށް ޝައްކުކުރެވޭ އެއްޗެއް އަޅާފައިވާ ބޮޑު ދެ ރަބަރު ޕެކެޓު ފެނިފައިވެއެވެ. ނަމަވެސް އެ މައްސަލައާއި ގުޅިގެން މީހަކު ހައްޔަރުކޮށްފައެއް ނުވެއެވެ.
އެ މައްސަލަ ގއ.ކޮލަމާފުށި ޕޮލިސް ސްޓޭޝަނުން ދަނީ ތަހުޤީގު ކުރަމުންނެވެ.
