އދ. ގެ އެސިސްޓެންޓް ސެކްރެޓަރީ ޖެނެރަލް ފޮރ ޕޮލިޓިކަލް އެފެއަރޒް ރާއްޖެ ވަޑައިގެންފި
ސަރުކާރުގެ އިސް ބައެއް އޮފިޝަލުންނާއި ސިޔާސީ އިސް ބައެއް ފަރާތްތަކާ ޖެންކަރ ބައްދަލުކުރައްވާނެ
އދ. ގެ އެސިސްޓެންޓް ސެކްރެޓަރީ ޖެނެރަލް ފޮރ ޕޮލިޓިކަލް އެފެއަރޒް, މިރޮސްލަވް ޖެންކަރ މިއަދު ރާއްޖެ ވަޑައިގެން ވެލާނާ އެރޕޯޓުގައި
އދ. ގެ އެސިސްޓެންޓް ސެކްރެޓަރީ ޖެނެރަލް ފޮރ ޕޮލިޓިކަލް އެފެއަރޒް, މިރޮސްލަވް ޖެންކަރ ރަސްމީ ދަތުރުފުޅެއްގައި ބުރާސްފަތި ދުވަހު ރާއްޖެ ވަޑައިގެންފިއެވެ.
އެ މަނިކުފާނުގެ މި ދަތުރުފުޅުގައި ސަރުކާރުގެ އިސް ބައެއް އޮފިޝަލުންނާއި ސިޔާސީ އިސް ބައެއް ފަރާތްތަކާ ބައްދަލުކުރައްވާނެއެވެ.
ޖެންކާ ރާއްޖެ ވަޑައިގެންނެވިކަމާއި ސަރުކާރުގެ އިސް ބައެއް އޮފިޝަލުންނާއި ސިޔާސީ އިސް ބައެއް ފަރާތްތަކާއި ބައްދަލުކުރައްވާނެ ކަމަށް ބުނެ ކޮށްފައިވާ ޓްވީޓްގެ އިތުރުން މި ދަތުރުފުޅާއި ބެހޭ އިތުރު ތަފްސީލެއް ފޮރިން މިނިސްޓްރީ އިން ހާމަކޮށްފައެއް ނުވެއެވެ.
އިންތިޚާބީ މާޙައުލާ ގުޅޭ ގޮތުން ބައިނަލްއަޤްވާމީ މުޖްތަމައުއިން ކެންޑިނޭޅި ކަންބޮޑުވުން ފާޅުކުރަމުން ދަނިކޮށް އދ. ގެ ޕޮލިޓިކަލް އެފެއަރޒް ޑިޕާޓްމަންޓްގެ އޭޝިއާ ޕެސިފިކް އޮފީހުގެ އިސް ބޭފުޅުން ޖުލައިމަހުގެ ތެރޭގައި ދެ ފަހަރަށް ރާއްޖެ ވަޑައިގެންފައި ވެއެވެ.
އެ ދަތުރުފުޅުތަކުގައި ވެސް ރާއްޖޭގެ ސިޔާސީ އިސް ފަރާތްތަކާ ބައްދަލުކުރައްވާފައި ވެއެވެ. މޯލްޑިވިއަން ޑިމޮކްރެޓިކް ޕާޓީގެ ޚާރިޖީ ގުޅުންތަކާ ބެހޭ ކޮމިޓީގެ މުޤައްރިރާއި ސެކްރެޓަރީ ޖެނެރަލް އަނަސް އަބްދުއްސައްތާރު ޖުލައިމަހުގެ 29 ވަނަ ދުވަހު އެ ބޭފުޅުންނާ ބައްދަލުކުރައްވާފައިވާ އިރު އެ ބައްދަލުވުމާ ބެހޭ ގޮތުން ރާއްޖެޓީވީއަށް މައުލޫމާތު ދެއްވަމުން ޝާހިދު ވިދާޅުވެފައި ވަނީ އިންތިޚާބު އޮޅުވާލުމަށާއި، ރީ-ރަޖިސްޓްރޭޝަނަށް ނުފޫޒު ފޯރުވުމަށް ސަރުކާރާއި އިލެކްޝަންސް ކޮމިޝަނުން ކުރަމުންދާ ކަންކަމާ ގުޅޭ ގޮތުން އދ. ގެ އޮފިޝަލުންނަށް މައުލޫމާތު ފޯރުކޮށްދެއްވި ކަމަށެވެ.
