ރ. މަޑުއްވަރީއަށް މަސްތުވާތަކެތި އެތެރެކުރަން އުޅުނު މީހަކު ހައްޔަރުކޮށްފި
6 އޯގަސްޓު 2018 | ހޯމަ 12:31ހައްޔަރު ކުރީ 25 އަހަރުގެ ފިރިހެނެއް
ފުލުހުން އަތުލައިގަނެފައިވާ މަސްތުވާތަކެތި | ޕޮލިސް
ފުލުހުން ރ. މަޑުއްވަރީގައި ހިންގި އޮޕަރޭޝަނެއްގައި މަސްތުވާތަކެއްޗާ އެކު މީހަކު ހައްޔަރުކޮށްފިއެވެ.
އެ މައްސަލައާ ގުޅިގެން ހައްޔަރުކޮށްފައި ވަނީ 25 އަހަރުގެ ފިރިހެނެކެވެ. އޭނާ ހައްޔަރުކޮށްފައި ވަނީ ރ. މަޑުއްވަރީ އަށް މަސްތުވާތަކެތި އެތެރެކުރަން އުޅޭ ކަމަށް ލިބުނު މަޢުލޫމާތަކާ ގުޅިގެން އޮގަސްޓް 2 ވަނަ ދުވަހު މެންދުރު ވަގުތުވާން އުޅެނިކޮށް މާލެއިން މަޑުއްވަރިއަށް ދިޔަ ފެރީ ލޯންޗަކުން އެރަށަށް ފޭބިތަނުންނެވެ.
ފުލުހުން ބުނީ މަޑުއްވަރީ ބަނދަރު ސަރަޙައްދުން އޭނާ ހައްޔަރުކޮށް ބަލައިފާސްކުރިއިރު އޭނާގެ އަތުން މަސްތުވާތަކެތި ކަމަށް ޝައްކުކުރެވޭ އެއްޗެއް އަޅާފައި ހުރި ދެ ރަބަރު ޕެކެޓް ފެނިފައިވާ ކަމަށެވެ.
އެ މައްސަލައިގައި ހައްޔަރުކޮށްފައިވާ މީހާ ބަންދުގައި ބެހެއްޓުމަށް 7 ދުވަހުގެ މުއްދަތެއް ވަނީ ކޯޓުން ޖަހައި ދީފައެވެ.
