އިންޓަރނޭޝަނަލް ކަލިނަރީ ކަޕްގައި ރާއްޖޭގެ ދެ ޝެފުން ބައިވެރިވެއްޖެ
މި މުބާރާތް ފަށާފައިވަނީ 05 އޯގަސްޓްގައި
އަހުމަދު ފަތީނު ޔުނިލީވަރ ފުޑް ސޮލިއުޝަންސްއިން އިންތިޒާމްކޮށްގެން ދުބާއީގައި ކުރިއަށްގެންދިޔަ ނޯރ މާސްޓަރ އޮފް ސީޒަނިންގ ކެއްކުމުގެ މުބާރާތުގެ އެއްވަނަ ހާސިލްކުރުން
ރާއްޖޭގެ ދެ ޝެފުން ތުރުކީގައި އޮތް ކެއްކުމުގެ މުބާރާތެއްގައި ބައިވެރިވެއްޖެއެވެ.
ތުރުކީގެ އިސްތަމްބުލްގައި ކުރިއަށްދާ މެންގަން ފެސްޓިވަލްގައި ބައިވެރިވަނީ ދިވެހި ދެ ޝެފުން ކަމުގައިވާ އަހުމަދު ފަތީނާއި ޔޫސުފް ނާޒިމްއެވެ.
މި މުބާރާތުގައި ޖޯޑަން އާއި މެލޭޝިއާ އާއި ޔޫކްރެއިން އާއި ކިރްގިސްތާނު ފަދަ ގައުމުތަކުން ބައިވެރިވެއެވެ. އިންޓަރނޭޝަނަލް ކަލިނަރީ ކަޕުގައި ދިވެހި ދެ ޝެފުން ބައިވެރިވެފައިވާ އިރު ޖުލައި 11 އިން ޖުލައި 14 އަށް މެލޭޝިއާގެ ކުއާލާލަމްޕޫރުގައި ބޭއްވި ވޯލްޑް އެސޯސިއޭޝަން އޮފް ޝެޕްސް ސޮސައިޓީސް ގެ 38 ވަނަ ކޮންގްރެސްގައިވެސް ރާއްޖޭގެ ޝެފުންގެ ޖަމިއްޔާ ޝެފްސް ގިލްޑް އޮފް މޯލްޑިވްސް އިން ވަނީ ބައިވެރިވެފައެވެ.
ބަނޑޮސް އައިލެންޑް ރިސޯޓުގައި މަސައްކަތް ކުރާ ޝެފް ފަތީން ވަނީ މިދިޔަ އަހަރުގެ ސެޕްޓެމްބަރު މަހު ޔުނިލީވަރ ފުޑް ސޮލިއުޝަންސްއިން އިންތިޒާމްކޮށްގެން ދުބާއީގައި ކުރިއަށްގެންދިޔަ ނޯރ މާސްޓަރ އޮފް ސީޒަނިންގ ކެއްކުމުގެ މުބާރާތުގެ އެއްވަނަ ހާސިލްކޮށްފައެވެ.
