ރާއްޖެ
ޒުވާނަކު މަރުވުން
މާލޭ ގެސްޓްހައުސްއެއްގެ ތެރޭގައި ޒުވާނަކު މަރުވެފައި އޮއްވާ ފެނިއްޖެ
މަރުވެފައި އޮއްވައި ފެނުނީ ސ. ހިތަދޫއަށް އުފަން 25 އަހަރުގެ އަލީ ޝިޔާޒު
އަމްނާ އިމާދު, ރާއްޖެ އެމްވީ | 2 އޯގަސްޓު 2018 | ބުރާސްފަތި 17:28
އައިޖީއެމްއެޗް ހޮސްޕިޓަލުގެ ބޭރުން ނަގާފައިވާ ފޮޓޯއެއް
މާލޭގެ ގެސްޓްހައުސްއެއް ތެރޭގައި އައްޑޫ ސިޓީ، ހިތަދޫ ޒުވާނަކު މަރުވެފައި އޮއްވާ ފެނިއްޖެއެވެ.
ރާއްޖެއެމްވީއަށް މައުލޫމާތު ލިބިފައިވާ ގޮތުގައި ގެސްޓްހައުސްއެއްގެ ތެރޭގައި މަރުވެފައި އޮއްވާ ފެނުނީ ސ. ހިތަދޫ، ނަޝީދީމަންޒިލް، އުމުރުން 25 އަހަރުގެ އަލީ ޝިޔާޒެވެ.
ޕެރަޑައިސް އައިލޭންޑް ރިސޯޓުގައި ވަޒީފާއަދާ ކުރަމުން އަންނަ ޝިޔާޒު މާލެއައީ ރިސޯޓުގައި ހުރެފައި އޮފް ދުވަހަށް ކަމަށް މައުލޫމާތު ލިބެއެވެ.
ޝިޔާޒްގެ ހަށިގަނޑު އައިޖީއެމް ހޮސްޕިޓަލުގައި އޮތްއިރު މިމައްސަލައާ ގުޅޭ އިތުރު ތަފްސީލެއް ލިބޭ ގޮތް ވަނީ ނުވެފައެވެ. ފުލުހުން ވެސް މިކަމާ ބެހޭ ގޮތުން އަދި ވަކިއެއްޗެއް ހާމަކޮށްފައެއް ނުވެއެވެ.
