އީދު ޗުއްޓީއަށް އޮގަސްޓް 19 ވަނަ ދުވަސް ބަންދުކުރަން ނިންމައިފި
1 އޯގަސްޓު 2018 | ބުދަ 19:00އީދު ޗުއްޓީއަށް ފަހު ސަރުކާރުގެ އޮފީސްތައް ހުޅުވޭނީ، މި އޮގަސްޓުމަހުގެ 26 ވާ އާދީއްތަ ދުވަހު
ސަރުކާރުގެ އެންމެ ގިނަ އޮފީސްތައް ހިންގަމުންދާ ވެލާނާގެ
ކަލަންޑަރުގައިވާ ގޮތަށް މި އަހަރުގެ ހައްޖުމަހުގެ ފުރަތަމަ ދުވަސް އޮގަސްޓު 12 ވާ އާދީއްތަ ދުވަހަށް ވެއްޖެނަމަ، އޮގަސްޓު 19 ވާ އާދީއްތަ ދުވަހަކީ، ސަރުކާރު ބަންދު ދުވަހެއް ކަމަށް ރައީސުލްޖުމްހޫރިއްޔާ އަބްދުﷲ ޔާމިން ނިންމަވައިފިއެވެ.
ރައީސުލްޖުމްހޫރިއްޔާ އޮފީހުގެ ތަރުޖަމާން އިބްރާހިމް މުއާޒް އަލީ ވިދާޅުވީ މިގޮތަށް ހަމަޖެއްސެވީ، އޮގަސްޓު 19 ވަނަ ދުވަހު އޮފީސްތައް ހުޅުވޭގޮތަށް އޮވެއްޖެނަމަ، އަޟްހާ އީދާ ގުޅިގެން ޗުއްޓީގައްޔާއި އެނޫން އެހެނިހެން ބޭނުންތަކުގައި ރަށުން ބޭރަށް ދާން ބޭނުންވާ މުވައްޒަފުންނަށް ދަތިކަމެއް ކުރިމަތިވެދާނެތީ، އެކަމަށް ލުޔެއް ދެއްވުމުގެ ގޮތުން ކަމަށެވެ. އަދި މެދުކެނޑުމެއްނެތި ބަންދު ދުވަސްތައް މުވައްޒަފުންނަށް ލިބޭނޭގޮތް ހަމަޖައްސައި ދިނުމުގެ މަގުސަދުގައި ކަމަށް މުއާޒު ވިދާޅުވިއެވެ.
މިގޮތަށް ހަމަޖެއްސެވުމުން، އަޟްހާ އީދުގެ ބަންދު ދުވަސްތަކަށްފަހު، ސަރުކާރުގެ އޮފީސްތައް ހުޅުވޭނީ، މި އޮގަސްޓުމަހުގެ 26 ވާ އާދީއްތަ ދުވަހުއެވެ.
