ކޯޓުތަކުގެ މަސައްކަތު ގަޑި ކުޑަކޮށްފި
ރަސްމީ ގަޑި، ހެނދުނު 8:00 އިން މެންދުރު 14:00 އަށް ބަދަލުކޮށްފައިވޭ
ރައްޔިތުންގެ މަޖިލީހުގެ ރައީސާއެކު، އުުއްތަމަ ފަނޑިޔާރު
ކޯޓުތަކުގެ މަސައްކަތުގެ ގަޑި ކުޑަކޮށްފި އެވެ.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ބުނީ، ޝަރުޢީ ކޯޓުތަކާއި، އިދާރާތަކުގެ ރަސްމީ ގަޑި، ހެނދުނު 8:00 އިން މެންދުރު 14:00 އަށް ބަދަލު ކުރުމަށް ދިވެހިރާއްޖޭގެ ސުޕްރީމް ކޯޓުގެ ފަނޑިޔާރުންގެ މަޖިލީހުން ނިންމާފައިވާ ކަމަށެވެ. އެގޮތަށް ހަމަޖެހުމާއި ގުޅިގެން ހުސްވަގުތުގެ ގޮތުގައި މިހާރު ލިބެމުން އަންނަ 1 ގަޑިއިރު، 30 މިނިޓަށް ކުޑަކުރެވިފައިވާ ކަމަށް ވެސް އެ ޑިޕާޓްމެންޓުން ބުނެއެވެ.
އެ ޑިޕާޓްމެންޓުން ބުނިގޮތުގައި މަސައްކަތުގެ ގަޑިއަށް ގެނެވުނު ބަދަލަށް އަންނަ މަހު 1 ވަނަ ދުވަހު ފެށިގެން (މާދަމާއިން ފެށިގެން) އަމަލު ކުރަމުންގެންދާނެ އެވެ. އަދި ޑިއުޓީ އުސޫލުން މަސައްކަތް ކުރާ މުވައްޒިފުންގެ ރަސްމީ ގަޑިއަށް އެއްވެސް ބަދަލެއް ނާންނާނެ ކަމަށް އެ ޑިޕާޓްމެންޓުން ބުނެއެވެ.
ކޯޓުތަކަށް ގިނަ މައްސަލަތަކެއް ހުށައެޅި، މައްސަލަތައް ފުނިޖެހިފައިވާ ދަނޑިވަޅެއްގައި މަސައްކަތު ގަޑި ކުޑަކުރި ސަބަބެއް އެ ޑިޕާޓްމެންޓުން ހާމަކޮށްފައެއް ނުވެއެވެ.
