ވާރލްޑް ކަޕްއިން ވިދާލި ގޮލޮވިން މޮނާކޯއަށް ބަދަލުވަނީ
މޮނާކޯއަށް އޭނާ ބަދަލުވާނީ 30 މިލިއަން ޔޫރޯއަށް
ރަޝިއާގެ ޓީމާއެކު ވާރލްޑް ކަޕްއިން ވިދާލި ގޮލޮވިން
ފީފާ ވާރލްޑް ކަޕްގައި ވާދަކުރި ރަޝިއާގެ ގައުމީ ޓީމުން ވިދާލި ޒުވާން މިޑްފީލްޑަރު އެލެކްޒެންޑަރ ގޮލޮވިން ފްރާންސްގެ މޮނާކޯއަށް ސޮއިކުރުމަށް ނިންމައިފިއެވެ.
ޗެލްސީއިން ވެސް ހޯދުމަށް މަސައްކަތްކުރި ގޮލޮވިން ހޯދުމަށް ޗެލްސީއިން ވެސް މަސައްކަތްކުރި ކަމަށް ރިޕޯޓްކޮށްފައިވެއެވެ. އެހެން ނަމަވެސް އުމުރުން 22 އަހަރުގެ ގޮލޮވިން ހޯދުމަށް މޮނާކޯއިން ހުށަހެޅި 30 މިލިއަން ޔޫރޯގެ ފީ އޭނާ މިހާރު ކުޅެމުން އަންނަ ކްލަބް ކަމަށްވާ ސީއެސްކޭއޭ މޮސްކޯއިން ގަބޫލުކޮށްފައިވާ ކަމަށް ގޯލް ޑޮޓްކޮމްއިން ވަނީ ރިޕޯޓްކޮށްފައެވެ.
އޭނާ މޮނާކޯއާއެކު ފަސް އަހަރު ދުވަހުގެ އެއްބަސްވުމެއްގައި ސޮއިކުރާއިރު ހުކުރު ދުވަހުގެ ވަގުތެއްގައި އޭނާ މޮނާކޯގެ ކުޅުންތެރިޔެއްގެ ގޮތުގައި ދައްކާލާނެއެވެ.
މީޑިއާތަކުން މީގެކުރިން ރިޕޯޓްކޮށްފައިވާ ގޮތުގައި ޗެލްސީއަށް ގޮލޮވިން ދިޔުމުގެ ފުރުސަތު ބޮޑުވި މައިގަނޑު ސަބަބަކީ އެކްލަބަކީ ރަޝިއާގެ ބިލިއަނަރަކު ހިންގާ ކްލަބަކަށް ވާތީއެވެ. އެންމެ ފުރަތަމަ ޗެލްސީގެ އިތުރުން ޔުވެންޓަސްއިން ވެސް އޭނާ ހޯދުމަށް މަސައްކަތްކުރި ކަމުގެ އަޑުތަކެއް ފެތުރިފައިވެއެވެ. މި ދެ ކްލަބަށް ވެސް ފުރަގަސްދީ އޭނާ މޮނާކޯއަށް ބަދަލުވީ އެކްލަބްގައި ހުރެގެން ގަވާއިދުން ފުރަތަމަ އެގާރައިން ފުރުސަތު ލިބޭނެ ކަމަށް ގަބޫލުކުރެވޭތީ ކަމަށް ރިޕޯޓްތައް ބުނެއެވެ.
މިއަހަރުގެ ވާރލްޑް ކަޕްގައި ރަޝިއާގެ ޓީމުން އެންމެ ވިދާލި އެއް ކުޅުންތެރިޔަކީ ގޮލޮވިންއެވެ. ރަޝިއާއިން ވާރލްޑް ކަޕްގެ ކުއާޓާ ފައިނަލްގެ ޖާގައެއް ހޯދިއިރު ގޮލޮވިން ވަނީ މޮޅު ކުޅުމެއް ދައްކާފައެވެ.
