ފުލުހުން ދެ ރަށެއްގައި ހިންގި އޮޕަރޭޝަނެއްގައި މަސްތުވާތަކެތި ހޯދައި، މީހަކު ހައްޔަރުކޮށްފި
20 ޖުލައި 2018 | ހުކުރު 05:51ފުރަތަމަ އޮޕަރޭޝަންގައި މަސްތުވާތަކެތި ފެނިފައި ވަނީ މީހެއްގެ އަތުން
ފުލުހުން ހިންގި އޮޕަރޭޝަންގައި އަތުލައިގަތް މަސްތުވާތަކެތި
ލ. ހިތަދު އާއި ގއ. ވިލިނގިލީގައި ފުލުހުން ހިންގި ދެ އޮޕަރޭޝަނެއްގައި މަސްތުވާތަކެތި ހޯދައި މީހަކު ހައްޔަރުކޮށްފިއެވެ.
ފުލުހުން ވަކިވަކިން އެ ދެ ރަށުގައި ހިންގި އޮޕަރޭޝަން ފަށައިފައި ވަނީ ލ. ހިތަދޫއިންނެވެ. ހިތަދޫގައި މަސްތުވާތަކެތި ގެންގުޅޭ ކަމަށް ފުލުހުންނަށް ލިބުނު މައުލޫމާތާ ގުޅިގެން ޖުލައި 18 ވަނަ ދުވަހު ހިންގި އެ އޮޕަރޭޝަނުގައި 20 އަހަރުގެ ފިރިހެނަކު ވަނީ ހައްޔަރުކޮށްފައެވެ. އޭނާ ހައްޔަރުކޮށް ބަލައިފާސްކުރި ކުރުމުން މަސްތުވާތަކެތި ކަމަށް ޝައްކުކުރެވޭ އެއްޗެއް އަޅާފައިވާ ހަތަރު ރަބަރު ޕެކެޓް ފެނިފައިވެއެވެ. އޭނާ ކޯޓަށް ގެންދިއުމުން ވަނީ ބަންދަށް 15 ދުވަސް ޖަހައިދީފައެވެ.
ޖުލައި 18 ވަނަ ދުވަހު ދެވަނައަށް ހިންގި އޮޕަރޭޝަނުގައި ފުލުހުން ވަނީ ގއ. ވިލިނގިއްޔަށް މަސްތުވާތަކެތި އެތެރެކުރަން އުޅޭ ކަމަށް ލިބުނު މަޢުލޫމާތަކާ ގުޅިގެން އެރަށަށް އައި ބޯޓެއް ބަލައި ފާސް ކޮށްފައި ވެއެވެ. އެ ބޯޓު ބަލައި ފާސްކުރި ކުރުމުން މަސްތުވާތަކެތި ކަމަށް ޝައްކުކުރެވޭ އެއްޗެއް އަޅާފައިވާ ހަތަރު ރަބަރު ޕެކެޓު ފެނިފައި ވެއެވެ. އެހެން ނަމަވެސް އެ މައްސަލައާ ގުޅިގެން މީހަކު ހައްޔަރުކޮށްފައެއް ނުވެއެވެ.
އެ ދެ މައްސަލަ ވެސް ފުލުހުން ދަނީ ތަޙުޤީޤު ކުރަމުންނެވެ.
