ބަރބެރީ އިން 28 މިލިއަން ޕައުންޑަށްވުރެ ގިނަ މުދާ އަންދާލައިފި

މަޝްހޫރު ބަރބެރީ ކުންފުނިން އެ ކުންފުނީގެ ބްރޭންޑް އިމޭޖް ދެމެހެއްޓުމަށް ކަމަށް ބުނެ ނުވިކި ހުރި 28.6 މިލިއަން ފައުންޑަށްވުރެ ގިނަ މުދާ އަންދާލައިފިއެވެ.

އެ ކުންފުނިން އަންދާލާފައިވާ މުދާތަކުގެ ތެރޭގައި ނުވިކި ހުރި އެތައް ހެދުންތަކަކާއި ޒިނަތްތެރިވުމަށް ބޭނުންވާ ސާމާނުގެ އިތުރުން ސެންޓުތައް ހިމެނެއެވެ. މިއީ 2016 ވަނަ އަހަރާއި އަޅާބަލާއިރު 6 އިންސައްތައިގެ އިތުރު އަދަދެއް ކަމަށް ރިޕޯޓްތައް ބުނެއެވެ.

މަޝްހޫރު ގިނަ ކުންފުނިތަކުން ބުނާ ގޮތުގައި ނުވިކި ހުންނަ މުދާތައް އަންދާލަނީ އެ އެއްޗެހި އަގު ހެޔޮކޮށް ވިއްކުމާއި އެ މުދާތައް އެހެން ފަރާތްތަކުން ވަގަށް ނެގިޔަ ނުދިނުމަށްޓަކައެވެ.

މި އަހަރުގެ މަރޗް މަހު 31 ވަނަ ދުވަހާއި ހަމައަށް ފައިނޭންޝަލް ރިޕޯޓް ދައްކާ ގޮތުން އެ ކުންފުންޏަށް ވަނީ 5 އިންސައްތައިގެ ކުރިއެރުމަކާއެކު 413 މިލިއަން ޕައުންޑްގެ ފައިދާ ލިބިފައެވެ.

ބަރބެރީ ކުންފުނިން މައިގަނޑު ގޮތެއްގައި އުފައްދަނީ ޓްރެންޗް ކޯޓުތަކާއި ފެޝަން އެކްސެސަރީސްއާ އަވިއަނުގެ އިތުރުން ސެންޓެވެ.

ބަރބެރީގެ 500 އައުޓްލެޓް 50 އަށްވުރެ ގިނަ ޤައުމުތަކުގައި ހުރެއެވެ. ބަރބެރީގެ އައުޓްލެޓްތައް ހުންނަ ބައެއް ޤައުމުތަކަކީ އޮސްޓްރޭލިއާ، އެމެރިކާ، މެލޭޝިއާ، ސައުދީ އަރަބިއްޔާ، އިންޑިއާ އަދި ގަތަރެވެ.