ހާއްސައެހީ އަށް ބޭނުންވާ މީހުނަށް އީސީގެ އޮފިޝަލުން އެހީތެރިވުމަކީ ދުނިޔޭގެ އަމަލުކުރާ ބެސްޓް ޕްރެކްޓިސް: އީސީ
މިކަމުން މިނިވަންކަމާ އެކު ވޯޓުލުމުގެ ފުުރުސަތު ހުރިހާ ފަރާތްތަކަށް ލިބޭނެ ކަމަށް އީސީން ބުނޭ
ވޯޓު ގުނުމުގެ މަސައްކަތް ކުރިއަށްދަނީ
ހާއްސައެހީ އަށް ބޭނުންވާ މީހުންނަށް ވޯޓުލުމުގައި އެހީތެރި ވަނީ އީސީގެ އޮފިޝަލުން ކަމަށާއި އެއީ އެހެން ގައުމުތަކުގައި ވެސް އިންތިހާބުތަކުގައި އަމަލުކުރާ ދުނިޔޭގެ އެންމެ ބެސްޓް ޕްރެކްޓިސްގެ ގޮތުގައި ބަލައިގެންފައިވާ ގޮތް ކަމަށް އިލެކްޝަންސް ކޮމިޝަނުން ބުނެފިއެވެ.
އީސީގެ މެންބަރު އަހުމަދު އަކްރަމް ވިދާޅުވީ ހާއްސަ އެހީއަށް ބޭނުންވާ ފަރާތްތަކަށް މިފަދަ ގޮތަކަށް ވޯޓުލުގެ އިންތިޒާމުތައް ހަމަޖައްސާފައި ވަނީ އެއްވެސް އިތުރު މީހެއްގެ ނުފޫޒެއް ނެތި، ކޮންމެ މީހަކަށް ވެސް މިނިވަންކަމާ އެކު ވޯޓުލުމުގެ ފުރުސަތު ދިނުމަށް ކަމަށެވެ. މިއީ ދުނިޔޭގެ އެހެން ގައުމުތަކުގައި ވެސް އަމަލުކުރާ އުސޫލު ކަމަށާއި މި ނިންމުމުގެ ތެރެއިން އިންތިހާބުގައި ވޯޓުލާ ފަރާތްތަކަކީ އެއްވެސް މީހެއްގެ ނުފޫޒެއްގެ ދަށުގައި ހުރެ ވޯޓުލާ މީހަކަށް މިފަހަރު ނުވާނެ ކަމަށް އަކްރަމް ވިދާޅުވިއެވެ.
ޖިސްމާނީ ނުކުޅެދުންތެރިންނަށް ވޯޓު ދިނުމުގައި އެހީތެރިވާނީ އެ ވޯޓުލާ ސަރަހައްދެއްގައި ހަރަކާތްތެރިވާ އެންމެ އިސް ފަރާތުން ކަނޑައަޅާ އިލެކްޝަންސް އޮފިޝަލެއް ކަމަށް އޭނާ ވިދާޅުވިއެވެ.
ކުރިން މިފަދަ ފަރާތްތަކަށް ވޯޓުލުމުގައި އެހީތެރިވަނީ އޭނާ ހަމަޖައްސާ އެހީތެރިއެކެވެ. މިކަމާ ގުޅޭ ގޮތުން މިދިޔަ ހަފްތާގައި އިންތިހާބުތަކާ ބެހޭ އާންމު ގާނޫނަށް ވެސް ވަނީ އިސްލާހެއް ގެނެސްފައެވެ.
ސެޕްޓެމްބަރު މަހުގެ 23 ވަނަ ދުވަހު ރިޔާސީ އިންތިހާބުގެ ވޯޓުލުން ކުރިއަށްދާއިރު ރަށްވެހިވެފައިވާ ރަށް ނޫން އެހެން ރަށެއްގައި ވޯޓުލާ ފަރާތްތަކަށް ރީރަޖިސްޓްރީވުމަށް މިހާރު ވަނީ ހުޅުވާލާފައެވެ.
