މަސްތުވާތަކެއްޗާ އެކު ށ. ފުނަދޫއިން މީހަކު ހައްޔަރުކޮށްފި
16 ޖުލައި 2018 | ހޯމަ 12:38ހައްޔަރުކޮށްފައި ވަނީ 22 އަހަރުގެ ފިރިހެނެއް
އަރުޝަމް އަބްދުލް ޢަޒީޒް | 16 ޖުލައި 2018 | ހޯމަ 12:38
ފުނަދޫއިން އަތުލައިގަތް މަސްތުވާތަކެތި
މަސްތުވާތަކެއްޗާ އެކު ށ. ފުނަދޫ އިން މީހަކު ހައްޔަރުކޮށްފިއެވެ.
ފުނަދުއަށް މަސްތުވާތަކެތި އެތެރެކުރާ ކަމަށް ފުލުހުންނަށް ލިބުނު މަޢުލޫމާތަކާ ގުޅިގެން، މިދިޔަ ހުކުރު ދުވަހުގެރޭ ހިންގި އޮޕަރޭޝަންގައި ހައްޔަރުކޮށްފައި ވަނީ 22 އަހަރުގެ ފިރިހެނެކެވެ. މާލެއިން ފުނަދުއަށް އައި ބޯޓަކުން ބޭލި ފޮށިގަނޑަކާ ހަވާލުވުމަށް އައިސް ހުރި އެ މީހާ ހައްޔަރުކޮށް އެފޮށިގަނޑު ބަލައިފާސްކުރި ކުރުމުން، މަސްތުވާތަކެތި ކަމަށް ޝައްކުކުރެވޭ އެއްޗެއް އަޅާފައިވާ 45 ސެލޯފިންކޮޅު އެފޮށިގަނޑުން ފެނިފައި ވެއެވެ.
މިމައްސަލައިގައި ހައްޔަރުކޮށްފައިވާ މީހާގެ ބަންދާ މެދު ގޮތެއް ނިންމުމަށް، ށ. ފޭދޫ މެޖިސްޓްރޭޓް ކޯޓަށް ހާޒިރުކުރުމުން ބަންދުގައި ބެހެއްޓުމަށް 15 ދުވަހުގެ މުއްދަތެއް ވަނީ ދީފައެވެ.
