އިންޓަނޭޝަނަލް ޓޫރިޒަމް ދެވަނަ ފިލްމް ފެސްޓިވަލް މި އަހަރުގެ ސެޕްޓެމްބަރު މަހުގެ ހަޔަކުން އަށަކަށް ބޭއްވުމަށް ހަމަޖައްސައިފިއެވެ.

ސަން ސިޔާމް އިރުފުށި ރިސޯޓުގައި ތިންދުވަހަށް ކުރިއަށްދާ މި ފެސްޓިވަލްގައި މުނިފޫހިފުލުވުމުގެ ހަރަކާތްތަކާއި މައުލޫމާތު ލިބޭ ގިނަ ބައިތަކެއް ހިމެނިގެންދާނެ ކަމަށް އެ ރިސޯޓުން މައުލޫމާތު ދެއެވެ.

ފުރަތަމަ ފެސްޓިވަލަށް ލިބުނު ކާމިޔާބީއާ އެކު މިފަހަރުގެ މި ފެސްޓިވަލުގައި ވެސް ދުނިޔޭގެ މަޝްހޫރު ގިނަ ސެލެބްރިޓީންނާއި ބައިނަލްއަގްވާމީ ގިނަ މީޑިއާތަކެއް ބައިވެރިވާނެ ކަމަށް އުންމީދުކުރާ ކަމަށް އެ ރިސޯޓުން ބުނެއެވެ.

ނޮމިނޭޝަން ކެޓަގެރީތަކުގެ ހިމެނެނީ :

ޓޫރިޒަމް ޑެސްޓިނޭޝަން

ކަލްޗަރަލް ޓޫރިޒަމް

އެންވަޔަރަމަންޓް އެންޑް އިކޯ ޓޫރިޒަމް

އެޑްވެންޗާ ޓޫރިޒަމް

އެތްނޮގުރަފީ އެންޑް ސޮސައިޓީ

ވޯޓާ

ކަލްޗަރަލް ކަނެކްޝަންސް

ހޮޓެލްސް އެންޑް ރިސޯޓްސް

ޓޫރިޒަމް ސާވިސަސް

ނޭޝަނަލް ޕްރޮޑަކްޝަން (ހަމައެކަނި ދިވެހިންނަށް)

އެމަޗުއާސް އެންޑް ސްޓޫޑަންޓް (3 މިނެޓަށްވުރެ ދިގު ނޫން)

ޜޯންރާތަކަކީ:

ޑޮކިއުމަންޓަރީ (60 މިނެޓަށްވުރެ ދިގު ނޫން)

ޕްރޮމޯޝަނަލް (15 މިނެޓަށްވުރެ ދިގު ނޫން)

ކޮމާޝަލްސް (60 ސިކުންތަށްވުރެ ދިގު ނޫން)

ދުނިޔޭގެ މަޝަހޫރު ސެލެބްރިޓީން އެއްތަނަކުން ފެނިގެންދާ މި ފެސްޓިވަލްގައި ބައިވެރި ކުރެވޭނީ ދުނިޔޭގެ ތަފާތު އެކި ތަންތަނާއި ގައުމުތަކުގެ ސަގާފަތާއި ތާރީހު ދައްކުވައިދޭ ފިލްމްތަކެވެ. ވީޑިއޯގެ ދިގުމިން ވާން ޖެހެނީ 1 މިނެޓާއި 13 މިނެޓެވެ.

ސަން ސިޔާމް އިރުފުށި ރިސޯޓުގެ ފަރާތުން އެންމެ ފަރަތަމަ ޓޫރިޒަމް ފިލްމް ފެސްޓިވަލް ބާއްވާފައި ވަނީ 2016 ވަނަ އަހަރުގެ ޖުލައި މަހުއެވެ.