ޖަލުގައި ގައިދީންނަށް އެކަށީގެންވާ ފަރުވާ ނުދީ މަރާލަނީ ކަމަށް ގަލޮޅު ދެކުނު ދާއިރާގެ މެންބަރު އަހުމަދު މަޚްލޫފް ވިދާޅުވާ ވިދާޅުވުން ތަކުރާރު ކުރައްވައިފިއެވެ.
ހުކުމް ތަންފީޒު ކުރަމުން ދިޔަ ގދ. ތިނަދޫ، ސިލްވަރ، ހަމްޒަތު އަހުމަދު، 36 މަރުވީ ޖަލުގައި ހުއްޓާ ސްޓްރޯކެއް ޖެހި ހަށިގަނޑު އެއްފަޅި ވާގި ނެތި، ޕެރެލައިޒްވުމުން އޭޑީކޭ ހޮސްޕިޓަލަށް ބުދަ ދުވަހު ގެނެސް ފަރުވާދެމުން ދަނިކޮށް އާދިއްތަ ދުވަހުގެރޭގެ ވަގުތެއްގައެވެ.
އަޒުމަތަށް ފުރަތަމަ ފަރުވާ ދިނީ އައިޖީއެމްއެޗްގައެެވެ. ނަމަވެސް ސިކުނޑީގެ އޮޕަރޭޝަނެއް ކުރަން ޖެހިގެން އޭނާ އޭޑީކޭއަށް ބަދަލުކުރީ ކަމަށް ވެއެވެ.
މަޚްލޫފް ވިދާޅުވީ، ދެ އަހަރުގެ ތެރޭގައި 14 މީހުން މަރުވުމަކީ އެކަމުގައި އިހުމާލެއްވާކަން ކަށަވަރު ކޮށްދޭ ކަމެއްކަމަށެވެ.
ޖަލުގައި ގައިދީންނަށް އެކަށީގެންވާ ފަރުވާ ނުދޭ ކަމަށް ދެކެވޭ ވާހަކަތަކާއި ގުޅޭގޮތުން ރާއްޖެއެމްވީއަށް މައުލޫމާތު ދެއްވަމުން ކަރެކްޝަނަލް ސާވިސްގެ އިންފޮމޭޝަން އޮފިސަރު އަހުމަދު ލުގުމާން ވިދާޅުވީ، އެއްވެސް ގައިދީއަކަށް ތަފާތުކުރުމެއް ނެތި ބަލިވެއްޖެ ނަމަ އެކަށީގެންވާ ފަރުވާ ލަސްނުކޮށް ދޭ ކަމަށެވެ.
Jaluga gaidheen maruvaneekee noon,ekasheegenvaa faruvaa nudhee maraalanee.
— ????? ??????? (@AhmedMahloof) July 9, 2018
2 aharu therey 14 meehun maruvumakee ihumaaleh vaakan kashavaru kohdhey kankan.
Jalah liyas mivaahaka dhakkaanan.Gaidheenge aailaa,officerun,gaidheen adhi alhuganduge amilla thajuribaa inn mikan ingey.
މަޚްލޫފް ވިދާޅުވީ، ޖަލަށް ލިޔަސް އެވާހަކަ ދައްކަވާނޭ ކަމަށާއި، ގައިދީންގެ އާއިލާއާއި، އޮފިސަރުންނާއި ގައިދީންގެ އިތުރުން އަމިއްލަ ތަޖުރިބާއިން އެކަންކަން އެނގިވަޑައިގަންނަވާކަމަށެވެ.
އެކަށީގެންވާ ފަރުވާ ނުދީ ގައިދީން ޖަލުގައި މަރަނީ ކަމަށް ވިދާޅުވެ އަހުމަދު މަޚްލޫފް މީގެ ކުރިން ކުރެއްވި ޓްވީޓަކާއި ގުޅިގެން އޭނާގެ މައްޗަށް ޝަރީއަތް ހިންގާ އެމައްސަލަ އޮތީ، ހުކުމް ކުރުމާއި ހިސާބުގައެވެ.