ބިދޭސީ މީހާގެ 60 އިންސައްތަ ފިހިފައި، އިތުރު ފަރުވާއަށް މާލެއަށް
އެބޯޓްގައި ތިބީ ދިވެއްސަކާއި ސްރީ ލަންކާ މީހެއް
ެރޭ އުނގޫފާރުގައި ބޯޓެއްގައި އަލިފާން ރޯވެ ބިދޭސީއަކު ވަނީ ވަރަށް ބޮޑަށް ފިހިފައި
ރޭ ރ. އުނގޫފާރުގެ ބަނދަރުގައި އޮތް ތެޔޮ ބޯޓެއްގައި ހިނގި އަލިފާނުގެ ހާދިސާގައި ޒަހަމްވި ދެ މީހުންގެ ތެރެއިން ބިދޭސީ މީހާގެ ހަށިގަނޑުގެ 60 ޕަސެންޓް ފިހިފައިވާ ކަމަށް އައިޖީއެމްއެޗުން ބުނެފިއެވެ.
އަލިފާން ރޯވިއިރު، އެބޯޓްގައި ތިބީ ދިވެއްސަކާއި ސްރީ ލަންކާ މީހެކެވެ. އޭގެ ތެރެއިން ދިވެހި މީހާއަށް ބޮޑު އަނިޔާއެއް ވެފައެއް ނުވެއެވެ.
މައުލޫމާތު ލިބިފައިވާ ގޮތުގައި އޭނާ އިތުރު ފަރުވާއަށް ސީ އެމްބިއުލާންސްގައި މިހާރު ވަނީ މާލެ ގެނެސްފައެވެ. އެކަމަކު އޭނާގެ ހާލު އެހާ ގޯސް ނޫން ކަމަށް އައިޖީއެމްއެޗްއިން މައުލޫމާތުދެއެވެ.
އޭނާގެ ދެ އަތާއި ދެ ފައި ވެސް ވަނީ ވަރަށް ބޮޑަށް ފިހިފަ އެވެ. އަދި ލައިގެން ހުރި ޓީޝާޓު ވެސް ވަނީ އަނދައިފަ އެވެ.ބޯޓުގައި ހުރި ދިވެހި ފަޅުވެރިޔާއަށް އަނިޔާވީ ޕަންޕްގައި ރޯވި ވަގުތު ވިއްސައިގެން ދިޔަ އެއްޗަކުން ޖެހިގެން ކަމަށްވެ އެވެ. އޭނާއަށް ފަރުވާ ދީި ރޭ ވަނީ ދޫކޮށްލާފަ އެވެ.
މި ހާދިސާގައި ބޯޓަށް މާ ބޮޑު ގެއްލުމެއް ނުލިބެ އެވެ.
