ސިމްބާގެ ޝޫޓިން ފަށައިފި
7 ޖޫން 2018 | ބުރާސްފަތި 23:02ސިމްބާގެ ޝޫޓިން ފަށާފައިވަނީ ބުދަ ދުވަހު
ކަރަން، ސާރާ އަދި ރޯހިތު
ޑިސެމްބަރު މަހުގެ 28 ގައި ރިލީޒްކުރާނެކަމަށް އިއުލާންކޮށްފައިވާ ބޮލީވުޑްގެ ފިލްމު ސިމްބާގެ ޝޫޓިން ފަށައިފިއެވެ.
ފިލްމުގެ ޝޫޓިން ފަށާފައިވާކަން ހާމަކޮށް ޕްރޮޑިއުސަރ ކަރަން ޖޯހަރު ބުނީ ޝޫޓިން ފަށާފައިވަނީ އިންޑިއާގެ ހައިދަރު އާބާދުގައި ކަމަށެވެ. މި ފިލްމުގެ ލީޑު ރޯލުން ފެނިގެންދާނީ ސާރާ އަލީ ޚާންއާއި ރަންވީރު ސިންގްއެވެ. ކުރިން ބެލެވިފައި އޮތީ ސާރާ އެންމެ ފުރަތަމަ ބޮލީވުޑަށް ނިކުންނާނީ ކެދާނަތު އިންކަމަށެވެ. އެހެން ނަމަވެސް އެފިލްމުގެ މަސައްކަތް ލަސްވާތީވެ ސާރާ އެހެން ފިލްމަކަށް ސޮއި ކުރީއެވެ.
ކެދާނަތު އެޅުވުން ލަސްކޮށްފައިވަނީ އަންނަ އަހަރުގެ ޖެނުއަރީއަށެވެ.
ކެދާނަތު ސިނަމާތަކަށް ނާންނަނީސް އެހެން ފިލްމެއްގެ މަސައްކަތް ކުރާތީ ފިލްމުގެ ޑައިރެކްޓަރ އަބީޝެކް ވަނީ ގެއްލުމުގެ ބަދަލެއްގެ ގޮތުގައި ސާރާގެ އަތުން 5 ކްރޯޑް ރުޕީސް ނަގައި ދޭން އެދި ކޯޓަށް ހުށަހަޅައިފަ އެވެ.
ނަމަވެސް ކޯޓުން ބޭރުގައި ދެ ފިލްމްގެ ޕްރޮޑިއުސަރުންނާއި ސާރާ އާއި އޭނާގެ ބައްޕަ ސައިފް އަލީ ހާން ވެސް ނިންމީ މިހާރު ހަމަޖެހިފައި އޮތް ގޮތުން ދެ ފިލްމްގެ ޝޫޓިން އެއްފަހަރާ ސާރާ ކުރިއަށް ގެންދިއުމަށެވެ.
