ރޯދަ އަށް ހުރެގެން ވެސް ބޭސް ބޭނުން ކުރެވިދާނެތަ؟
6 ޖޫން 2018 | ބުދަ 07:14ރަމަޟާން މަހު ރޯދައަށް ހުރެ ގަވައިދުން ބޭނުން ކުރަން ޖެހޭ ބޭސް ބޭނުން ކުރާނޭ ގޮތް އިނގުމަކީ ވަރަށް މުހިންމު ކަމެއް
ބޭސް
ބޭހަކީ އިންސާނާއާ ވަރަށް ގުޅުން ހުރި އެއްޗެކެވެ. ބަލިމަޑުކަމުން ސަލާމަތް ވުމަށްޓަކައި ބޭސް ބޭނުން ކުރުމަކީ ކޮންމެހެން ކުރަންޖެހޭ ކަމެކެވެ. ކީރިތި ޤުރުއާނުން ހުރިހައި ބަލިތަކުގެ ޝިފާ ލިބެން ހުރި ކަމުގައިވިޔަސް ބޭސް ފަރުވާ ހޯދުމަކީ ކީރިތި ރަސޫލާ ﷺ ގެ ސުންނަތުން ވެސް ފެންނަން ހުރި ރިވެތި ނަމޫނާ އެކެވެ. ވީމާ ބަލިތަކަށް ޝިފާ ނުހޯދޭނެ އެއްވެސް އިރެއް, އެއްވެސް ދުވަސްވަރެއް ނޯންނާނެ ކަމަށް ގިނަ ދީނީ ޢިލްމުވެރިން އެއްބަސްވެވަޑައިގަންނަވައެވެ. ހާއްސަކޮށް ރަމަޟާން މަހު ރޯދައަށް ހުރެ ޤަވާއިދުން ބޭނުން ކުރަން ޖެހޭ ބޭސް ބޭނުން ކުރާނޭ ގޮތް އިނގުމަކީ ވަރަށް މުހިންމު ކަމެކެވެ.
ރޯދައަށް ހުންނަ މީހާ މިކަހަލަ ބޭސް ބޭނުން ކުރުމަކީ މައްސަލަ އެއް ނޫން!
- ލޮލަށް އަޅާ ބޭސް
- ކަންފަތަށް އަޅާ ބޭސް
- ދޫދަށަށްލާ ބޭސް
- ހަށިގަނޑުގައި އުނގުޅާ އެކި ޒާތުގެ ބޭސް
- އަނގަ ދޮންނަން ބޭނުން ކުރާ ބޭސް ނުވަތަ ސްޕްރޭ
- އަންހެނާގެ ކުރިމަތި ފަރާތަށް ލައްވާ ބޭސް
