ސިއްޙަތާ ބެހޭ ގިނަ އިލްމުވެރިން އިންތިފާގުވެ ލައްވާ ގޮތުގައި ތަރުކާރީއަކީ އޭގެ ސަބަބުން އިންސާނާގެ ހަށިގަނޑަށް ގިނަ ގުނަ ފައިދާ ތަކެއް ލިއްބައިދޭ ކާނާ އެކެވެ. ނަމަވެސް، ދިވެހިންނަށް މިފަދަ ދުޅަހެޔޮ ތަކެތި ބޭނުން ކުރުމުގެ ހުރަހަކަށް ވެފަ އޮންނަނީ މި ބާވާތްތައް އަގުހެޔޮކޮށް ނުލިބުމާއި ޒަމާނުއްސުރެ ވެސް ދިވެހިންގެ ދިރިއުޅުމުގެ އާދަކާދަ އެވެ.
ފައިދާތައް
- ތަރުކާރީގައި ގިނަ އަދަދަކަށް ފައިބަރ ހުރުމުގެ ސަބަބުން ހަޖަމް ކުރުމުގެ ނިޒާމް އަވަސް ވެގެން ދެއެވެ.
- ތަރުކާރީ ގިނައިން ބޭނުން ކުރާނަމަ ބަނޑުހިއްކުން ދުރުކޮށްދެއެވެ.
- ފައިބަރގެ އިތުރުން ތަރުކާރީގައި ގިނަ އަދަދަކަށް ދަގަނޑު ހިމެނެއެވެ.
- ރޯދަ ވީއްލާ ގަޑިގައި އަދި ހާރު ކެއުމުގައި ވެސް ފެނު ކެއްކި ތަރުކާރީ އާއި ތަރުކާރީ ބޭނުން ކޮށްގެން ހަދާފައި ހުންނަ ސެލެޑް ބޭނުން ކުރުމަކީ ބަރުހެލިވުމުގެ އިޙުސާސް ކުޑަކޮށްދޭ ކަމެކެވެ.
- އޮލިވް އޮއިލްގައި ވަރަށް ކުޑަ މިންވަރަކަށް ފްރައި ކޮށްގެން ތަރުކާރީ ބޭނުން ކުރުމަކީ ހަކަތަ ލިއްބައިދޭ ކަމެކެވެ.
