ކައުންސިލަރުން ސަސްޕެންޑްކުރަނީ ރައްޔިތުންގެ އަޑު ކަނޑުވަން: ޝާހިދު
2 ޖޫން 2018 | ހޮނިހިރު 12:29ކައުންސިލަރުން ހުވައި ކުރިތާ އެއް އަހަރު މިއަދު ވަނީ ވެފައި
ލޯކަލް ކައުންސިލް އިންތިޚާބުގައި ޝާހިދު ވޯޓުލައްވަނީ
ސަރުކާރުން ކައުންސިލަރުން ސަސްޕެންޑް ކުރަމުން ގެންދަނީ ރައްޔިތުންގެ އަޑު ކަނޑުވާލުމަށް ކަމަށް ރައްޔިތުންގެ މަޖިލީހުގެ ކުރީގެ ރައީސް އަބްދުﷲ ޝާހިދު ވިދާޅުވެއްޖެއެވެ.
ލޯކަލް ކައުންސިލްތަކުގެ މިހާރު ހިނގަމުންދާ 3 ވަނަ ދައުރުގެ ކައުންސިލަރުން ހުވައި ކުރެއްވިތާ އެއް އަހަރު ފުރުމާއި ދިމާކޮށް ކައުންސިލަރުންނަށް މަރުހަބާ ދަންނަވަމުން ޝާހިދު ވިދާޅުވީ ސަރުކާރުން ކައުންސިލްތަކާއި ކައުންސިލަރުންގެ ބާރު ކަނޑުވާލައި، ސަސްޕެންޑްކޮށް ފިއްތުންތައް ކުރިމަތިކުރަނީ ރައްޔިތުންގެ އަޑު ނާހައި، އަޑު ކަނޑުވާލަން ކަމަށެވެ. އަދި ކައުންސިލަރުންގެ ހިތްވަރަށް ސާބަސް ދެއްވާ ކަމަށް ޝާހިދު ވިދާޅުވިއެވެ.
ކައުންސިލަރުންނާއި ގުޅޭ ގޮތުން ޝާހިދު ޓްވީޓެއް ކުރެއްވި އިރު، ނިމިގެން ދިޔަ ހަފްތާގައި ލޯކަލް ގަވަރމަންޓް އޮތޯރިޓީއިން ވަނީ އިހަވަންދޫ ކައުންސިލް އެއްކޮށް 3 މަސްދުވަހަށް 2 ވަނަ ފަހަރަށް ސަސްޕެން ކޮށްފައެވެ. ލޯކަލް ގަވރމަންޓް އޮތޯރިޓީ މެދުވެރިކޮށް ސަރުކާރުން ގެންދަނީ އިދިކޮޅު އެމްޑީޕީއަށް ނިސްބަތްވާ ކައުންސިލަރުންނާއި އެމްޑީޕީގެ މެޖޯރިޓީ އޮންނަ ކައުންސިލްތައް ތަކުރާރުކޮށް ސަސްޕެންޑް ކުރަމުންނެވެ.
