އަހުމަދިއްޔާއިން ގިނަ އަދަދެއްގެ ޑޮލަރު ވަގަށް ނެގި ކަމުގެ ތުހުމަތުގައި މީހަކު ހައްޔަރުކޮށްފި
2 ޖޫން 2018 | ހޮނިހިރު 10:53މިމައްސަލާގައި ހައްޔަރުކުރީ އުމުރުން 27 އަހަރުގެ ދިވެހި ފިރިހެނެއް
އަހުމަދިއްޔާ އިންޓަރނޭޝަނަލް ސްކޫލް---
އަހުމަދިއްޔާ އިންޓަރނޭޝަނަލް ސްކޫލުގެ އޮފީސް ފަޅާލައި ގިނަ އަދަދެއްގެ ޑޮލަރު ވަގަށް ނެގި މައްސަލައާ ގުޅިގެން މީހަކު ހައްޔަރުކޮށްފިއެވެ.
ފުލުހުން ބުނީ އަހުމަދިއްޔާ އިން ވަގަށް ނެގި ގިނަ އަދަދެއްގެ ޑޮލަރުތަކުން ބައެއް ހޯދައި މީހަކު ހައްޔަރުކުރީ މިދިޔަ އަންގާރަ ދުވަހަކު ކަމަށެވެ. މިމައްސަލާގައި ހައްޔަރުކުރީ އުމުރުން 27 އަހަރުގެ ދިވެހި ފިރިހެނަކު ކަމަށާއި އެމީހާގެ ބައްދަށް 10 ދުވަސް ކްރިމިނަލް ކޯޓުން ޖަހާފައިވާ ކަމަށެވެ.
އަހުމަދިއްޔާ އިންޓަރނޭޝަލް ސްކޫލުގެ އޮފީސް ފަޅާލައި އެތަނުން 14000 ޑޮލަރު ވަގަށް ނަގާފައި ވަނީ މިދިޔަ މަހު 22 ވަނަ ދުވަހުއެވެ. އަދި ވަގަށް ނެގި ޑޮލަރުތަކުގެ ތެރެއިން މިހާތަނަށް 9000 ޑޮލަރު ހޯދާފައިވާ ކަމަށް ވެސް ފުލުހުން މައުލޫމާތުދެއެވެ. ނަމަވެސް މިމައްސަލައާ ގުޅޭ އިތުރު ތަފްސީލެއް ފުލުހުން ހާމާއެއް ނުކުރެއެވެ.
